Энэхүү бүтээгдэхүүний загвар нь түргэн хоолны салбарт ашиглагдах тул хэрэглэгчдийн идэх хүслийг төрүүлэх, сонирхлыг татах зорилгоор улаан, нил ягаан, шар, цагаан гэх мэт тод өнгөнүүдийг сонгон бүтээсэн.
Сав баглаа боодлын их бие нь улаан, нил ягаан гэсэн 2 өнгөний сонголттойгоор үйлдвэрлэгдэх ба түүний нүүр хэсэгт Прада чикэний барааны тэмдэг бүхий нэр, слогон үг шар өнгөөр байршсан бол арын хэсэгт хаяг байршил буюу худалдаалах газрууд, утасны дугаар байрлана.
Улаанбаатар төдийгүй дэлхийн олон орны хот, суурин газарт иргэдийнх нь хоолны соёл, сонголтын нилээдгүй хувьд түргэн хоол багтдаг. Өөрөөр хэлбэл дэлхий нийтээрээ хооллох давтамжийн цөөнгүй хувьд түргэн хоолыг сонгон хэрэглэдэг. Ингэхдээ хэрэглэгчид сууж үйлчлүүлэхээс гадна гэр, сургууль, ажил гэх мэт өөрийн байгаа байршилдаа дуудлагаар тэдгээр хоолнуудыг захиалдаг тул гал тогооноос хэрэглэгчдийн гарт хүрэх хугацаанд хоолны амт, чанар, өнгө үзэмж, шинж чанарыг хадгалах, муутгахгүй байх зорилгоор уг сав баглаа боодлын чанарт үндсэн бүтээгдэхүүнтэй дүйцэхүйц хэмжээнд ач холбогдол өгч үйлдвэрлэсэн болно.
Энэхүү сав баглаа боодолд халуун тахиа зөөвөрлөх нөхцөл байдлыг харгалзан үзэж нэг талаас бүтээгдэхүүний амт чанарыг муутгахгүй нөгөө талаас сав баглаа боодлын үзэмжийг норж, нэвтрэх гэх мэтээр муутгахгүй байх зорилгоор үндсэн материал хатуу картонон, гадна болон дотор гадаргуу гялгар байдлаар үйлдвэрлэсэн нь хэрэглэгчдийн таашаалд нийцнэ гэдэгт итгэлтэй байна.
Төсөөтэй саналуудаас сонгон авч мэдүүлж байгаа шийдэлтэйгээ харьцуулан жишсэн адил шийдлүүдийн мөн чанар: Оюуны өмчийн газрын мэдээллийн санд бүртгэгдсэн хүнсний сав баглаа боодлын загварууд нь бүтээгдэхүүний үндсэн зургийг /Тахиа, гахай, сүү, жүүс гэх мэт/ савлагааны нүүр хэсэгт оруулсан нийтлэг байдал ажиглагдана. Энэ нь мэргэжлийн студид зураг авалт хийж, түүн дээр нэмэлтээр өнгө, дүрс оруулсан нь бодит байдлаас ялгаатай харагдах тохиолдолд сав баглаа боодол дээрх бүтээгдэхүүний зураг, харагдах үзэмжид үндэслэн худалдан авалт хийсэн хэрэглэгчдийн сэтгэгдлийг бууруулдаг. Харин манай сав баглаа боодлын аль ч хэсэгт бүтээгдэхүүний үндсэн зураг тавигдаагүй нь дээрх сул талыг үүсгэхгүй ба хэт олон дүрс, тэмдэглэгээ, заавар оруулаагүй нь харагдах үзэмжид эерэгээр нөлөөлж байгаа юм.
| Томьёолол | Тодорхойлолот |
|---|---|