(MN) Зоригт БАЯРАА : СБД, 8-р хороо 43-р байр 80 тоот

(MN) Лхагвасүрэн БУЯННАСТ : ХУД, 15-р хороо Нархан хотхон, 65-р байр 11-1 тоот

(MN) Модерн загварт оруулсан хатан сүйхтэй бөгжний галерей

(MN)

ТОДОРХОЙЛОЛТ
"Модерн загварт оруулсан хатан сүйхтэй бөгжний галерей" нь хуримын болон сүйн бөгжинд ашиглагдаж болох Монгол уламжлалт хуримын хээ болох хатан сүйхийг галерей хэсэгтээ агуулсан цагаан болон шар алтан бөгжний суурь бэлдэц юм.
Хос залуусын үүрдийн бат бэх холбоог билэгдсэн, ташуу хоёр дөрвөлжин (ромбо хэлбэртэй) зөрж барилдсан "хатан сүйх” хээг орчин үеийн загвартай хослуулан 3 мм - ийн өндөр, 6 мм -ийн урттайгаар босоо хэлбэртэйгээр, доржпалам эрдэнийн чулуун (очир алмаз) доор байршуулахаар зохиомжилсон загвар юм.
Гадаад хэлбэрийн онцгой шийдэл нь уламжлалт алтан дээр хэвтээгээр цохиж хийсэн загвараас эрс ялгагдаж, эгц дээрээс харахад хүссэн каратын хэмжээ бүхий 4 болон 6 хумстай эрдэнийн шигтгээ суулгасан бөгж мэт харагдах боловч хажуу хоёр талаас нь харвал Монгол уламжлалт “хатан сүйх” хээг босоо тэнхлэгт харагдахуйц байдлаар хийснээр залуусын гоо зүйн таашаалд нийцсэн, харагдах байдал нь нүсэр биш өөрөөр хэлбэл шигтгээний доор уламжлалт хээ нь нуугдсан байдалтай байгаа нь зохиомжийн өвөрмөц шийдэл болсон.
Тухайн бэлдцийн үндсэн метал нь 925 сорьцтой мөнгө, платинум болон Монгол хүмүүсийн өргөн хэрэглэгддэг 10, 14, 18 каратын сорьцтой цагаан болон шар алт байдаг. Бэлдэц маань 1.3 мм-ийн өргөнтэй, 6.6 мм-ийн өндөртэй бөгөөд хоёр талдаа доржпалам шигтгээтэй болон шигтгээгүй гэсэн хоёр төрөлтэй. Гол хэсэгг 2.5 мм-ийн өндөртэй, 2.2 мм-ийн урттай, 45 градусын налуутай ташуу хоёр дөрвөлжин (ромбо) хэлбэртэй зөрж барилдсан хоёр дүрс бүхий хатан сүйхийг цагаан болон шар алтаар цутган хийж энэхүү хатан сүйх дүрсний дээр 4 хумс болон 6 хумс бүхий доржпалам шигтгээ суулгах хэсгээс тус тус бүрдэнэ.
Сүүлийн жилүүдэд даяарчлалын улмаас Монгол улсад цагаан алтны хэрэглээ илт өсөж эхэлсэн бөгөөд түүн дээр суурилсан эрдэнийн чулуун шигтгээ бүхий орчин үеийн өвөрмөц шийдэл бүхий сүйн бөгжийг эрэлхийлсэн хэрэглэхийг зорьдог болжээ. Энэхүү залуучуудын эрэлт хэрэгцээ дээр суурилсан "Модерн загварт оруулсан хатан сүйхтэй бөгжний галерей" нь Монгол уламжлалт зан заншлаа орхигдуулахгүйгээр орчин үеийн минимал хэв маягт оруулан залуу хойч үедээ өвлүүлж үлдээхэд энэхүү загварын мөн чанар оршино.