Тодорхойлолт
Бүтээгдэхүүний загварын нэр: Төрийн тахилгат хайрхан уулсын шүтээн бүтээцүүдийн цомог
Төрийн тахилгат хайрхан уулсын шүтээн бүтээцүүдийн цомог нь 11 хувилбартай бөгөөд өөр өөрсдийн тогтоц, агуулга, онцлог бэлгэдлийг илэрхийлсэн “Үүлсийн чимэг Алтай ханы таван богд” шүтээн, “Язгуурын чимэг Алтан хөхүй” шүтээн, “Талын чимэг Алтан-Овоо” шүтээн, “Улсын чимэг Богдхан хайрхан” шүтээн, “Уулсын чимэг Бурхан халдун” шүтээн, “Говийн чимэг Их тахилгат хайрхан” шүтээн, “Байгалийн чимэг Ханхөхүй” шүтээн, “Нуурын чимэг Их богд хайрхан” шүтээн, “Алтайн чимэг Сутай хайрхан” шүтээн, “Хангай чимэг Суварга хайрхан” шүтээн, “Огторгуйн чимэг Отгонтэнгэр” шүтээн гэсэн ШҮТЭЭН бүхий бэлгэдлийн нэртэй.
Төрийн тахилгат хайрхан уулсын шүтээн бүтээцүүдийн цомог нь орон дэлхийг илтгэн илэрхийлж дугуй зууван суурьтай, суурийн ханыг тойруулан ариун нандины бэлгэдэл бадамлянхуа цэцэг, амьдралыг тэтгэгч усан долгио хээ, хурмаст тэнгэрийн хурын шимээр байгаль дэлхийг сэргээгч үүлэн хээ, байгалийн сүр хүч, суу алдрыг дуурсгах салхийг зохиомжлон хослуулан дүрслэн сийлж бүтээцжүүлсэн.
Суурийн дээд хэсэгт буюу дээд талд нь хөх цэнхэр дэлхий, хөрст ариун газар шороог илэрхийлэх ногоон өнгийн дэвсгэр суурь байх бөгөөд түүний дээр Төрийн тахилгат хайрхан уулсын шүтээн Өндөр дээд хайрхан буюу “Үүлсийн чимэг Алтай ханы таван богд” (Хувилбар 1), “Язгуурын чимэг Алтан хөхүй” (Хувилбар 2), “Талын чимэг Алтан-Овоо” (Хувилбар 3), “Улсын чимэг Богдхан хайрхан” (Хувилбар 4), “Уулсын чимэг Бурхан халдун” (Хувилбар 5), “Говийн чимэг Их тахилгат хайрхан” (Хувилбар 6), “Байгалийн чимэг Хан-хөхүй” (Хувилбар 7), “Нуурын чимэг Их богд хайрхан” (Хувилбар 8), “Алтайн чимэг Сутай хайрхан” (Хувилбар 9), “Хангай чимэг Суварга хайрхан” (Хувилбар 10), “Огторгуйн чимэг Отгонтэнгэр” (Хувилбар 11) шүтээнийг одоо байгаа байгалийн тогтоц, хэлбэр, зураглалыг алдагдуулахгүйгээр бурхан, урлалын гол хийц болох гуулиар цутгуулан биежүүлж бүтээсэн.
Төрийн тахилгат уулсын дотор талыг хөндий байхаар тооцож, тухайн хэсэгт тахилгат хайрхадын оргил, бэлээс аргадан гуйж авсан хөрс шороо, аршаан усыг бор сахарт шингээн хатааж, арц, ариун ганга, арвай буудай, есөн эрдэнэ, хадаг, эрдэнийн очир тэргүүтнээр дүүргэж, номын ёсоор аравнайлан шүншиглэж, бэлгэдлийг шинжийг бүрдүүлсэн. Төрийн тахилгат хайрхан уулсын нь байгаль дэлхийг нэгэн агуулгад иж бүрэн цогцлоон бүтээсэн учир Монгол айл бүрийн хоймортоо хүндэтгэн залж, эрхэмлэн дээдэлж, нандигнан шүтэх түүх, соёл, байгаль хамгаалал, орон ертөнцийг танин мэдэх үзэл санааны өргөн утга агуулга, ач холбогдолтой цогц бүтээл юм.
| Томьёолол | Тодорхойлолот |
|---|---|