Тодорхойлолт
Бүтээгдэхүүний загварын нэр: Язгууртан (Ган сийлбэртэй ган сүлжмэл эмээл )
Уг бүтээл нь урд бүүрэг эгц босоо хэлбэртэй (зураг 1) хойд бүүрэг нь налуу уужуу өргөн байдал нь суулт сайтай биед зүдэргээгүй (зураг 2), хэрэглээ талаа нэн түрүүнд эрхэмлэхээс гадна ур хийцийг үзвээс уран дархны уламжлалт утсан сүлжмэлийн бие даасан нарийн урлах технологийг гангаар, (зураг 3) ган сийлбэрийн урлах технологтой хослуулан ур илэрхийлэлийн нэгдэл болгосон нь голлох онцлог шинжгэй бүтээл юм. (зураг 4)
Хоёр технологи нь нэг нь нэгнээсээ ангид хөдөлгөөнд орших ба сүлжмэл болоод ган чимэглэлүүд нь өөр хоорондоо нэгэн цул бус морины явдалд хөдөлж байхаар хөдөлгөөнтэй зохиомжлон урласан нь онцлог юм. Өөр онцлогуудийг дурдваас зохиомжлон урласан талуудын нэгдэл болох сүлжмэл сийлмэл, эрчис хаж, тасрашгүй үргэлжлэлийг билэгдэж үрлэн хэлхээгээр тойруулан хүрээлж толин хүрээнд захируулсан нь ган хэрэглээний шинэ загварчлал болж буй юм. (зураг 5)
Монголын уламжлалт ургамлын дүрсийг дан буюу эгээмэл сүлжмэлээр ороон сүлжиж, хөндий сүлжээсийг ган сийлбэртэй хослуулан утсан сүлжмэлийн аргын бүхий л нарийн технологийг цагаан ган, үнэт металл, үнэт чулууг шигггэн суулгаснаараа онцлог эмээл юм. (зураг 6)
Мөн дээшлэн дэвжихийг билэгдэж ургамлын дүрстэй ган сийлмэл хээг сүлжмэлтэй хослуулан хөдөлгөөнт байдлаар сийрүүлэн сийлж, ар дэвсгэрт нь хүрэн могойн арьс хийж өгсөн нь чимэгийг улам тодруулна. Дөрөөний тавгийг мөнхийн хөдөлгөөнд орших ургамлын дүрсээр тойруулан сийлж гол хэсэгт хар хаш шигтгээтэй лууг сийлж шилбэнд зээрийн эврийг матаж хийснээрээ онцлог юм. (Зураг 7)
Морин эдлэлийн өв соёлоо эрхэмлэн дээдэлж хэрэглээний загварчлалийг шинэчлэн хөгжүүлэхэд бүтээлийн зорилго оршино.
| Томьёолол | Тодорхойлолот |
|---|---|