Тодорхойлолт

“Алаг үнээ” нэртэй бүтээгдэхүүний загвар нь Сүү ХК-ын брэнд бэлгэдэл алаг үнээний баримлын загвар болно. Сүү ХК-ын брэнд бэлгэдэл нь Алаг үнээний баримал бол амьтны эсвэл хөдөлгөөнт объект хэлбэрээр брэндийн шинж чанарыг илэрхийлсэн бэлгэдэл бөгөөд брэндийн натурал/байгалийн/ утга агуулгыг төлөөлж буй хэлбэр юм. Олон нийтэд чиглэсэн харилцааг илүү эерэг байлгах зорилгоор маскотыг ашигладаг ба брэндийн ялгамж чанараа зөвөөр илэрхийлэх нэг арга зам юм.

 Ингэхдээ “ШИМТ” сармистай цөцгийн тос Монгол үнээний биеийн онцлогийг шингээсэн хэлбэрээр “Алаг үнээ”-ний дүрийг сонгон хөгжүүлсэн. Үнээ нь алхаж буй хөдөлгөөнтэй. Энэ нь Монголын сүүний үйлдвэрлэл нь эртнээс улбаатайг харуулна.

 Духан дээрх зүрхэн толбо нь хайрыг билэгдэнэ. Үнээ цагаан өнгөтэй байгаа нь цэвэр ариуныг харуулна. Цэнхэр өнгийн толбо нь Сүү ХК-ын үйлдвэрлэдэг сүүний сав баглаа боодлын үндсэн өнгө бөгөөд Миний Монголын сүү нь цэнхэр сүү нэрээр олны дунд түгсэн тул энэхүү өөрийн байгууллагын бэлгэдэл өнгийг толбо болгон ашигласан.