Одоо цагт модон бүтээцтэй гэр хэлбэрийн сууцийг уламжлалт аргаар буюу барилгын талбай дээрээ мод модлог материалуудыг шууд боловсруулан угсарч барьж байна. Гэрийг хот суурин, амралт, сувилал ба бүс нутагт тодорхой хугацааны ажил гүйцэтгэж байгаа хүмүүсийн амьдрах сууц, түүнчлэн тусгай зориулалтын, хүндэтгэлийн болон гэрийн багцыг нийлүүлэн сургууль, цэцэрлэг, дотуур байр болгох зэргээр ашиглалтын хүрээг нэмэгдүүлсэн. Гэрийн эд ангиудын бүтээцийг багцалж бэлтгэснээр гэрийн бүтээцүүдийн бөх бат, хөшүүн чанарыг дээшлүүлэх, бүтээгдэхүүний өртөг, зардлыг хямдруулах, экспортын бүтээгдэхүүний нэр төрлийг нэмэгдүүлэх, улмаар Монгол ахуй, нүүдэлчдийн өвийг Монгол улс төдийгүй дэлхий дахинд бодит байдлаар сурталчилах инновацийн бүтээгдэхүүний түвшинд хүргэсэн зэрэг үр дүнгүүдээр энэхүү бүтээгдэхүүний загварт хамаарах шийдлийн нийгмийн, соёлын, эдийн засгийн үр ашиг илэрнэ. Дээр дурдсанчилан гэрийн үндсэн нэг бүрдэл хэсэг болох унийг гэр хэлбэрийн сууцанд зориулан дотроо гэрэлтэй, гэрлийг нэвт гэрэлтүүлэх материалаар нүүрэн талыг хийж өнгө үзэмж тав тухыг бий болгох үүднээс түмэн насан хээгээр уртын дагуу хээлж, унины дунд хэсэгт холбоос дугуй хийж түүн дээр хаан эсвэл хатан сүйх хээг товойлгон урласан байна. Унины тоонотой нийлэх хэсэгт модоор хийж хээ товойлгосон болно.
| Томьёолол | Тодорхойлолот |
|---|---|