Тодорхойлолт
Бүтээгдэхүүний загварын нэр: Үлэмжийн чанар лимбэний бүтээцийн хослол
Үлэмжийн чанар лимбэний бүтээцийн хослолын их бие нь дуураймал хаш, хуванцар гэсэн хоёр сонголттой бүтээгдсэн ба дуураймал хаш нь цагаан, хар, ногоон гэсэн гурван өнгөний сонголттой бол хуванцар их бие нь тунгалаг, хар гэсэн хоёр өнгөний сонголттой. Лимбэний үлээх нүхний дээд хэсэгт бэлгийн мэлмий дүрс, түүний дор “Үлэмжийн чанар” үгийг уйгаржин монголоор татлаган бичсэн онцлогтой ба энэхүү бүтээцүүдийн өнгө, хийцийн хослолын багцуудын хувилбаруудыг эрэмблэн харууллаа. (Зураг 1)
Дуураймал хаш лимбэ нь цагаан, хар, ногоон өнгөтэй бол хуванцар лимбэ нь тунгалаг, хар өнгөтэйгөөрөө хоорондоо ялгаатай, хаш (цагаан, хар, ногоон), тунгалаг хуванцруудын залгаас нь тууш урт бол хар хуванцар лимбэ нь нарийн бөгжөөр холбогдсон бүтэцтэй (Зураг 1).
Лимбэ нь үлээх ба тоглох гэсэн 2 хэсгээс бүрдэх ба лимбэний үлээх хэсгийн бүтээцийг Зураг 2-т, тоглох хэсгийн бүтээцийг Зураг 3-т тус тус эрэмблэн харууллаа.
Лимбэний бүтээцийг дээрээс харагдах байдал, хажуу талаас харагдах байдал болон залгагдах байдлыг бүтцийн эд анги бүрээр тодруулан зурж үзүүллээ. (Зураг 4)
Лимбийг зориулалтын саванд хадгалах ба энэхүү савны бүтээц нь зориулж боловсруулсан ширээр эсгэж бэлтгэсэн бөгөөд түүний дотор лимбэний үлээх ба тоглох хэсгийг зэрэгцүүлэн байрлуулах тууш гогцоотой хавтаг байна. (Зураг 5;6)
Хавтаг нь нүүр, ар гэсэн 2 хэсгээс бүрдэх ба түүний амсрууд нь хөвөрдөг товчоор холбосон бүтэцтэй, хавтагийн хоёр хажуу ирмэгийг адил талт тэгш өнцөгөөр эсгэж бэлтгэсэн хамгаалалтын цагирагаар хавтагийн нурууны 2 зах хүртэл тойруулан ширж оёсон, хамгаалалтын цагирагийн нарийссан үзүүрт бичил бариул, нүүрийн голд “Үлэмжийн чанар” оноосон нэрийг 2 хажуу шулуун, дугуйрч битүүрсэн ирмэгтэй ширэн хавтгай дээр барлан бичиж байрлуулсан ба хавтгийн нүүрийн суурийг сонгосон хээгээр чимэглэн урласан бүтэцтэй (Зураг 7) бол хавтгийн ар хэсэг нь цулгуй түүн дээр Монголын Дорноговь аймгийн бренд гэсэн тодотголыг англиар товойлгон бичиж байрлуулсан онцлогтой. (Зураг 8)
Үлэмжийн чанар лимбэний бүтээцийн хослол нь бэлгэдэл, бэлэг дурсгал, ёслол хүндэтгэлийн болон сургалтын зориулалттай ашиглахаар бүтээгдсэн хөгжмийн зэмсгийн төрөлд хамаарна.
| Томьёолол | Тодорхойлолот |
|---|---|