(MN) Лавдансүрэн БААСАНХҮҮ : СБ дүүрэг, 5-р хороолол, 3-р хороо 35-606 тоот

(MN) Д.Батдэлгэр : Chingeltei duureg, 6-r khoroo, 62-A , 7-1 toot

(MN) Шар тосны данх болон цөгц

(EN)

Бүтээгдэхүүний загварын нэр:   Шар тосны данх болон цөгц 
 

Монголчууд эрт дээр үеэс  шашны зан үйлийн болон хүмүүсийн өдөр тутамдаа   хэрэглэж заншсан эдлэлүүдээс бүрдэнэ.

Шар тосны данх болон  цөгц нь ихэвчлэн дугуй суурьтай байх бөгөөд их бие дээр суурилсан байдаг бол шинээр мэдүүлж байгаа данх болон цөгцний бүтээц, хийцийн онцлог нь суурь хэсэгтээ гадагш товойж гарсан  хээг  суулгасан , суурь болон биеийн  дунд хэсэг нь цэцгийн дэлбээг бэлэгдэн товойлгон сийлбэрлэж ишний төгсгөл нь мөн ижил хэмээр цүлхийж хос цагиргаар холбогдон бүтээгдсэн ба цүлхэгэр хэсгийн эргэн тойрон  ижил зайд хээ сийлбэртэй. Данх болон цөгцний их бие нь доод, дунд, дээд хэсэгтээ давхар цэцгэн хээгээр  эмжээрлэж чимэглэсэн. Данх болон цөгц, түүний суурь, ишний залгаас, их бие гэсэн үндсэн бүтцийг бие биетэй нь холбож товойлгон сийлбэрлэсэн. Данх болон цөгц түүний бүтээц хийцийн өвөрмөц байдлыг зураг 1-13 д бүтээгдэхүүний онцлог, сийлбэр, хээ дүрс нэг бүрээр тодотгон харууллаа. Данх болон цөгцний суурь ба суурийн ёроол буюу холбоос хэсгийн хийцийн онцлог, бэхэлгээ холбоос нь түүний иш болон их биед орсон деталиудыг үндсэн деталиас нэмэлт детальруу эрэмблэх байдлаар бэхэлсэн.

Данх болон цөгцний  хувилбар нь түүний их бие буюу зулын тос хийх хэсэг нь   ерөнхий хэлбэрийг харуулсан данхны цоргоны хувьд лууг билэгдсэн хээтэй дээд талын ирмэг нь битүү цагираг, товгор хээн чимэглэл, түүний дор буюу их биеийн гадаргуу дээр  сийлбэртэй. Их бие, суурийн уулзварыг товгор хээгээр чимэглэсэн. Суурь хэсэг нь шуулуун конус бөгөөд суурийн доод хэсэгрүү гадагш тэлсэн төгсгөлд мөн цагираг болон товгор хээн чимэглэлүүдтэй

Дараагийн хувилбарын онцлог нь их биеийн амсар нь савны ам, түүнээс үргэлжлэн битүүрсэн товгор хээгээр хүрээлэгдсэн, цүлхэгэр их биеийн хажуу бөөрөнд гоёлын болон шашны бэлэгдэлийн дүрсийг ижил зайд, 4 талд нь товойлгон сийлбэрлэж, алтдан чимэглэсэн, суурь хэсэг нь эргэн тойрондоо амсарын ирмэг хээг давтан битүүлсэн цагиргаас дээш ёроол хүртлэх хэсгийг адил талт, ижил товгор хотгор өвөрмөц дүрсийг үүсгэн бүтээцжүүлж мөнхүү төгсгөлийг битүү цагиргин имжээрлэж их биетэй холбосон

Их биеийн эргэн тойронд бэлэгдэлийн хээ дүрсүүдийг товойлгон ижил зайд цохиж гаргасан.

Дээр дурьдсан загваруудыг цагаан зэс, гууль, зэс мөн  хийцийн онцлог нэмэлтүүдийг алтдаж чимэглэж болно.