Тодорхойлолт

“Хатан угалз” нь Монголын эртний аргалын дүрслэлийг өөрийн зохиомжоор өөрчилж, эерэг гоо дүрсийг гаргаж авсан.
Мөн аргалын эврийг Монгол эхнэрийн эвэр үсний гоёл дээр шигтгээ суулгаж гоёмсог болгосон.
Энэхүү загвар нь бүхэлдээ шинэлэг, өвөрмөц, ихэмсэг харагдах бөгөөд дархан миний хувьд урлагийн бүтээл юм. “Хатан угалз” загвар нь нийтэд ил болоогүй бөгөөд алт, мөнгө, монет, цагаан алтаар хийгдэх бөгөөд манай “Бат-Ялгуун” брэндээр танилцуулагдаж худалдаанд гарах болно.

Энэ загварыг Хүннү гүрний олдвор болох аргалын толгойн дүрслэл бүхий үсний гоёлоос сэдэвлэн олдворын хэв маягийг бүрэн өөрчилж орчин үед зохицуулан загварлаг, эдэлж хэрэглэхэд ойр донжтой болгосон. Нийт өндөр: 2,5см Их биеийн өндөр: 1,3см Сэнжний өндөр: 1,2см, урт - 1,8см Сэнж: Сэнжний тойрог 01,2мм-ээс уусаж 5мм хүртэл өргөсч их бие буюу аргалын эврийн уулзварын ард залгагдсан. Сэнж өргөсч эхлэхдээ урд талруугаа үзүүр гарган V хэлбэртэй 50° -аар хошуулдсан ард тал хөндий. Сэнжний угаас дээш 5мм-ээс хошуулдасан хэлбэрийг дагасан 5мм өргөнтэй дээд доод хэсэгтээ 2x2 ширхэг эмжээр, дундаа 2,0мм бөөрөнхийтэй, гоёлын оруулгатай, чих хойшоо бага зэрэг хулмайсан. Аргалын толгой их бие: Өвөрмөц эмэгтэйлэг хэлбэр бүхий мөлгөр хэлбэр, нүд 04мм, хамрын нүх 02,5мм-тэй бүрээ мэт хэлбэр, их биеэс 1мм сунаж гарсан. Толгойн ар хэсэг хөндий. Эвэр: Аргалын эврийг XVIII зууны үеийн эхнэр эвэр үстэй хослуулсан нь илүү эмэгтэйлэг, ихэмсэг төрхийг тодотгосон. Эврийн зузаан угаас эхлэн 3,5мм-ээс үзүүр хүртэл аажим нарийсна. Эврийн хажуу өндөр бмм-ээс аажмаар үзүүр хүртэл уусна. Эврийн угаас 7мм зайд хүртэл үелсэн ухлаадас 1,5мм-ийн давтамжтай үргэлжилнэ. Эврийн гол хэсгээс хоорондоо 5мм-ийн зайтай Зш гоёлын оруулгатай. 2 талдаа цулгуй хүрээтэй голдоо 1,1 мм 2 шигтгээ суулгаж, нийт 6ш шигтгээтэй, гоёлын хэсэг байрлана. Эврийн үзүүр хэсэг цулгуй, ар хэсэг хөндий.