ТОВЧ ТАЙЛБАР
Ашигтай загварын иэр: Таримлын төлөв байдлыг хянах, арчилгаа хийх робот платформ Уг робот нь хүнсний ногооны талбайн мөр хооронд явж бичлэг хийх бөгөөд бичлэгээс ургамлын морфологийн үзүүлэлтүүдээр нь эх ургамал болон хог ургамлыг таньж ялгана. Эх ургамал болон хог ургамлыг ялгахдаа хяналттай машин сургалтын арга хэрэглэнэ. Хог ургамлыг таньснаар гүйцэтгэх механизм болон хор шүршигч хэрэглэн хор цацаж устгах зориулалттай.
ТОМЪЁОЛОЛ
1. Таримлын төлөв байдлыг хянах, арчилгаа хийх робот платформын ялгаа нь процессорт (1) холбогдсон камерын (2) дүрсийг харах мэдрэгчтэй дэлгэц (З), STM32 төрлийн 32 битийн микроконтроллер бүхий удирдлага (7) болон эх хавтан (8) бүхий робот нь тус бүрдээ хөтлөгчтэй (6), дөрвөн дугуйтай (5) бөгөөд жолоодлогын механизм (4) нь хоёр хоёроороо холбогдсон байхаар хийцийг зохиомжилсон.
2. Газрын роботын томьёоллын 1 дүгээрийн ялгаа нь жолоодлогын механизмыг (4) шулуун чиглэлийн дагуу хоёр хөдөлгүүрийг удирдахаар байршуулж робот байгаа цэг дээрээ 3600 эргэх боломжтой болно.
3. Газрын роботын томьёоллын 1 дүгээрийн ялгаа нь дугуйнууд (5) тус бүр хөтлөгчтэй (6) ба хөтлөгч бүр гинжин дамжуулгаар дугуйтай холбогдсон байна.
4. Газрын роботын томьёоллын 1 дүгээрийн ялгаа нь удирдлага (7) нь роботын эх хавтан (8)-д мэдээлэл дамжуулан роботыг удирдаж, үйлдвэрлэлийн процессор (1) камераар зураг авч дүрс боловсруулалт хийнэ.