товч тайлбар
Ашигтай загвар нь түгжээ бүхий бэхэлгээний болтонд хамаарах бөгөөд болтоор холбож бэхэлсэн эд анги болтны түгжээгээр түгжигдэн чичиргээ эсвэл хөдөлгөөнт үед үл салахаар найдвартай бэхлэгдэхэд ашиглана. Түгжигчтэй болтоор эд зүйлийг бэхэлж холбохдоо эд зүйлийг бэхлэх их биөд байрлуулан болт орох нүхээр эрэг /2/ бэхэлсэн болт /1/-ыг их бие талаас нэвт гаргаж түгжигч /3/-ийг эд зүйлийн талаас болт/1/-ны сул үзүүр рүү оруулан болтны төгсгөлд гаргасан нэвт нүхээр шаантаг/4/- ийг сүлбэн хийж түгжигч /3/-ИЙН задгай ховилуудын аль нэгт шаантаг /4/-ийг тааруулан оруулж тээглүүлэн түгжинэ.

Томьёолол:

Түгжигч бүхий бэхэлгээний болтны ялгаа нь зургаан өнцөгт нүхэн үүртэй толгой бүхий болт /1/, болт /1/-нд бэхлэгдэх эрэг /2/, дугуй хэлбэртэй төмөр гадаргуутай дотор талдаа ханын дагуу хэд хэдэн сэртэн түгжигч ховилтой түгжигч /3/, болт /1 /-ны төгсгөлийн нүх /6/-нд нэвт сууж түгжигч /3/-ийн задгай ховилууд /7/-ын аль нэгт тааран орж тээглэх шаантаг /4/, түгжигчийн таг /5/-аас бүрдэх ба эд зүйлийг бэхлэх их биед байрлуулан болт орох нүхээр эрэг /2/ бэхэлсэн болт /1/-ыг их бие талаас нэвт гаргаж түгжигч /3/-ийг эд зүйлийн талаас болт /1/-ны сул үзүүр рүү оруулан болтны төгсгөлд гаргасан нэвт нүх /6/-ээр шаантаг /4/-ийг сүлбэн хийж түгжигч /3/- ийн задгай ховилууд /7/-ын аль нэгд шаантаг /4/-ийг тааруулан оруулж тээглүүлэн болтны эрэг /2/-ийг  нөгөө талаас чангалан түгжихээр хийцийг зохиомжилсон.