Товч тайлбар
Энэ бүтээл нь поликарбоксилын хүчил, метакаолин, лигнин болон агаараар бөмбөлөгжүүлэгч зэргээс бүрдсэн холимог нунтаг агуулсан бетонд зориулсан нэмэлт хольцын найрлагын тухай ба энэ бүтээл дээрх уг бетонд зориулсан нунтаган нэмэлт хольц нь уламжлалт шингэн нэмэлт хольцтой харьцуулахад илүү их суулт, усанд мэдрэгшил, өдрийн бэхжилт болон 28 өдрийн бэхжилттэй байх бөгөөд энэ бүтээл дээрх нэмэлт хольцын найрлага нь шингэн биш нунтаг хэлбэрт байх тул туузан дамжуулга руу ямар ч тоног төхөөрөмжийн шаардлагагүйгээр шууд хэрэглэгдэж болох давуу талтай юм.
Томьёолол
1. Бетоны нэмэлт хольцын найрлагын ялгаа нь нэмэлт хольц нь поликарбоксилын хүчил, метакаолин, лигнин ба агаараар бөмбөлөгжүүлэгчээс бүрдэх холимог нунтаг байна.
2. Найрлагын томьёоллын 1 дүгээрийн ялгаа нь холимог нунтагийн жингийн 15-30 хувь нь поликарбоксилын хүчил, 49-74 хувь нь метакаолин, 10-20 хувь нь лигнин, 0.8-2.0 хувь нь агаараар бөмбөлөгжүүлэгчээс бүрдэнэ.
3. Найрлагын томьёоллын 1 дүгээрийн ялгаа нь холимог нунтаг нь уусдаг савлагааны материал дотор савлагдана.
4. Найрлагын томьёоллын 3 дугаарын ялгаа нь уусдаг савлагааны материал нь поливинил спиртэн бүрхүүл, гератин бүрхүүл, карбоксиметил целлюлоз бүрхүүл болон цардуулан бүрхүүлийн аль ч материал байж болно.
5. Найрлагын томьёоллын 1 дүгээрийн ялгаа нь агаараар бөмбөлөгжүүлэгч нь анионы, катионы, амфотер, болон ион бус гадаргуугийн идэвхит нэгдлийн аль нь ч байж болно.