Товч тайлбар
Энэхүү аргыг ноосон ба ноолууран утас ээрэх үйлдвэрт ашиглана. Ноос ноолууран утас ээрэхэд антистатик бодисын оронд коллаген уургийн суурьтай амиселл энзимыг ашиглах арга нь хүний арьсны эрүүл ахуйг хамгаалах, байгаль орчинд ээлтэй үйлдвэрлэлийг хөгжүүлэхэд ач холбогдолтой шинэлэг шийдэл юм. Амиселл энзим нь коллаген уургийн био бэлдмэл. Амиселлийн найрлага дах холбогч бодисын тусламжтайгаар нэмэх цэнэг нь үсний гүнд нэвтэрч нийлэгжих ба хасах цэнэгүүд үсний хайрсан давхрага болон кутикултай нэгдэнэ. Ингэснээр ширхэгтийн уян хатан чанарыг дээшилж, барьцалдах чадвар нэмэгдэн ямар ч
нөхцөлд өөрчлөгдөхгүй бат бөх шинж чанартай болно. Үүний дүнд ширхэгтэд цахилгаан цэнэг үүсэхгүй, бөөсрөхгүй давуу талууд бий болно. Самнасан ноос болон ноолуурыг дамжпагад бэлтгэхдээ эмульсийг шүрших эсвэл дүрэх аргаар шингээж болно.
Томьёолол:
1. Ноос ноолуурыг боловсруулахад хэрэглэх энзим бүхий холимогийн найрлагын ялгаа нь холимог нь коллаген уургийн суурьтай энзим, зөөлрүүлсэн ус, бөх батын тосноос бүрдэх найрлагатай уусмал байна.
2. Энзим бүхий холимогийн найрлагын томьёоллын нэгдүгээрийн ялгаа нь ноос, ноолуур гэдэгт малын гаралтай бүх төрлийн ноос, ямааны ноолуур, хялгас, сарлагын хөөвөр, тэмээний ноос болон зэрлэг ан амьтны үс, ноос багтана.
3. Энзим бүхий холимогийн найрлагын томьёоллын нэгдүгээрийн ялгаа нь энзим гэдэгт коллаген суурьтай энзим, тохиромжтой нь Амиселл энзим байна.
4. Энзим бүхий холимогийн найрлагын томьёоллын нэгдүгээрийн ялгаа нь холимогийг шүршигч машинаар шүршиж хэрэглэхэд энзим нь боловсруулах бүтээгдэхүүний жингийн 0.8-1.2% байна.
5. Энзим бүхий холимогийн найрлагын нэгдүгээрийн ялгаа нь холимогийг шүршигч машинаар шүршиж хэрэглэхэд бөх батын тос нь боловсруулах бүтээгдэхүүний жингийн 2.5-4.0% байна.
6. Энзим бүхий холимогийн найрлагын томьёоллын нэгдүгээрийн ялгаа нь холимогийг шүршигч машинаар шүршиж хэрэглэхэд 38-42 хэмийн температуртай зөөлрүүлсэн ус нь боловсруулах бүтээгдэхүүний жингийн 8-12% байна.
7. Энзим бүхий холимогийн найрлагын томьёоллын нэгдүгээрийн ялгаа нь холимогийг дүрэх аргаар шингээхдээ боловсруулах бүтээгдэхүүний жинтэй тэнцүү хэмжээтэйгээр усны хэмжээг тооцох ба ус нь 38-42 хэмийн температуртай зөөлрүүлсэн ус байна.
8. Энзим бүхий холимогийн найрлагын томьёоллын нэгдүгээрийн ялгаа нь дүрэх аргаар холимогийг шингээхдээ Амиселл энзимийг усны хэмжээний 2-3,3%-д, тосыг 1,1-2% -д тооцно.
9. Энзим бүхий холимогийн найрлагыг бэлтгэхдээ ус болон бат бөхийн тосыг хольж сайтар хутгаж, нэгэн төрөл болгосны дараа Амиселл энзимыг нэмж хийн, сайн хутгаж найруулна.
10. Энзим бүхий холимог уусмалыг шүршигч машинаар шүршиж эсвэл уусмалд дүрэх аргаар боловсруулах бүтээгдэхүүнд буюу ноос ноолуурт шингээнэ.
11. Энзим бүхий холимог уусмалыг хэрэглэх аргын томьёоллын аравдугаарын ялгаа нь OMMI япон/, SALT/итали/ зэрэг шүршигч машинаар шүршиж шингээнэ.
12. Энзим бүхий холимог уусмалыг хэрэглэхдээ ноос болон ноолуурын ширхэгтэд энзим бүхий холимогийг шингээж, 80-120°С хэмд хатаагаад, 24 цаг амраана.
13. Энзим бүхий холимог уусмалыг хэрэглэх аргын томьёоллын аравдугаарын ялгаа нь уусмалд дүрэх аргаар шингээхдээ ноос, ноолуурыг холимог бүхий уусмалд дүрж, 20-30 минут байлгана.
14. Энзим бүхий холимог уусмалыг хэрэглэх аргын томьёоллын арванхоёрдугаарын ялгаа нь ноос, ноолуурыг зөөлөн болгох бол 80°С, илүү биелэг болгох бол 120°С хэмд хатаана.