ТОВЧ ТАЙЛБАР
"УХААЛАГ ЭМЭЭЛ" ШИНЭ БҮТЭЭЛИЙН АШИГЛАХ САЛБАР
Ухаалаг эмээл шинэ бутээлийг ашиглах үндсэн салбар нь Монголын үндэсний уламжлалт морин спортын салбарт ашиглах юм. Мөн тэмээн уралдааны салбар, мал аж ахуйн салбарт ашиглах боломжтой. Монголд идэвхитэй хөгжиж буй морин спортын уралдаан нь жилд 330 сум, 21 аймаг, овоо тахилгын наадам гээд хамгийн багадаа 1800-2000 орчим том жижиг наадмын морин уралдааны 6 насны төрөлд олон мянган хүухэд уралдааны морь унаж эрсдэлт байдалд ордог. Үүний улмаас:
Хүүхдээр уралдааны морь унуулах нь хүний эрхийн зөрчлийн асуудал болсон,
- Өвлийн морин уралдааныг хориглосон нь үндэсний өв соёл чөлөөтэй хөгжих, өв уламжпахад бэрхшээл учирсан
"УХААЛАГ ЭМЭЭЛ" ШИНЭ БҮТЭЭЛИЙГ АШИГЛАХ ЗОРИЛГО
Ухаалаг эмээл шинэ бүтээлийг ашиглах үндсэн зорилго нь хүний хийдэг эрсдэлтэй ажлыг техникээр орлуулах бөгөөд үүнээс гадна дараах нийгмийн хэд хэдэн чухал зорилго, ач холбогдолтой:
1. Хүний эрх, хүүхдийн эрхийг хамгаалах
2. Хөнгөн жинтэй технологийн дэвшлийг ашигласнаар морин спортын үзүүлэлтүүдийг дээшлүүлэх
3. Олон улсын байгууллагын зүгээс жил бүр тавьдаг хүүхдийн эрхийн шаардлагыг биелүүлэх, ХЭҮК-н зөвлөмжийг биелүүлэх, Нэгдэж орсон ОУ-н конвенцийн үүргээ биелүүлэх
4. Үндэсний өв уламжлагаа шинэчлэлээр хадгалж хөгжүүлж үлдэх, өвлийн морин уралдааныг сэргээн хийдэг болох
5. Дижитал техниологийн аргаар хүүхдийн эрхийг хангах, үндэсний уламжлалаа хэвээр нь хөгжүүлэн өвлүүлэн үлдээх зорилготой.
1. Морь, тэмээний уралдаан, тэмцээний үеийн алсын удирдлагын системийн бүтээц, тэдгээрийн байрлалын ялгаа нь морь, тэмээний уралдаан, тэдгээрийн үзүүлэх тоглолтын үед уралдаан, тоглолт хийх үзүүлбэрийн хөдөлгөөний зайнаас удирдах зорилгоор эмээлийн их бие (1)-н хавтаст батарей (2), морины ам татах жолооны оосрын дамжуулга (3), оосрон дамжуулгын хавхалга (4), жолоо татах хүрдийн хөдөлгүүр (4а), оосрын хураагуурын хүрд (4б), камер мэдрэгчийн оройн хамгаалалтын бүрхэвч (5), чип (6), деффузер (7), ташуур эргүүлэх хүрдийн хавхалга (8), ташуур эргүүлэх хүрдийн хөдөлгүүр (8а), ташуурын сагалдарга (8б)-г тус тус суулгаж бүтээцжүүлсэн.
2. Бүтээцийн томьёоллын 1 дүгээрийн ялгаа нь батарейг (2) эмээлийн хавтасны дотор хананд, морины ам татах жолооны оосрын дамжуулгын хүрдийг эмээлийн хавтасны гадна талын урд хэсэгт, ташуур эргүүлэх хүрдийг эмээлийн хавтасны гадна талын ар хэсэгт нэг түвшинд тус тус байрлуулсан.
3. Бүтээцийн томьёоллын 1 дүгээрийн ялгаа нь эмээлийн оройн хэсгийн буюу нурууны голд камер, мэдрэгч болон мэдээллийг хүлээн авах, дамжуулах чип (6), деффузер (7) бүхий удирдлагын хэсгийг хамгаалалтын бүрхэвчийн (5) дотор тус тус байрлуулсан бүтэцтэй.
4. Бүтээцийн томьёоллын 1 дүгээрийн ялгаа нь жолооны удирдлагын үйлдлийг компьютерээс эсвэл гар утаснаас ирүүлэх дохиолол хүлээж авах чипийн (6) тусламжтай гүйцэтгэхээр суурилуулсан.