Товч тайлбар 

Энэхүү шинэ бүтээл нь Монгол орны байгалийн эрдэст түүхий эдэд түшиглэн MJ-B коагулянтыг шинээр гарган авч, түүгээр ноос угаах үйлдвэрийн ашиглагдсан усыг MNS 6561:2015 стандартын шаардлагыг хангах хэмжээнд хүртэл цэвэрлэх боломжтой сайн чанарын, шинэ коагулянтын хольцын оновчтой найрлагыг тогтоосонд энэхүү шинэ бүтээлийн мөн чанар оршино.

Томъёолол

1.Байгалийн эрдэст MJ-B коагулянтын найрлагын томъёоллын ялгаа нь байгалийн эрдэст MJ-B коагулянтын найрлаганд байгалийн эрдэс түүхий эд болох цеолит, өөхөн чулуу (SiO₂), шохой(CaO), хужир (Na₂CO₃), Дулааны Цахилгаан Станцын шүүлтүүрийн үнс, хөнгөнцагааны сульфат (Al₂(SO₄)₃·xH₂O), төмрийн сульфат (Fe₂(SO₄)₃·xH₂O) зэрэг органик бус коагулянтууд, катион идэвхт полиакриламид(CPAM) буюу органик коагулянтууд тус тус багтана.

2. Байгалийн эрдэст MJ-B коагулянтын найрлагын томъёоллын нэгдүгээрийн ялгаа нь MJ-B коагулянтын бүрэлдэхүүн дэх эрдэс бодисуудын найрлагыг шохой 13.3-13.4%, төмрийн сульфат 10.0-11.0%, CPAM 5.2%, цеолит 20.7-21.0%, өөхөн чулуу 12.4-12.6%, хужир 8.3-8.4%, шүүлтүүрийн нарийн ширхэгт үнс 16.6-16.8%, хөнгөнцагааны сульфат 12.4-12.6% гэж тогтоож, бохир усыг энэхүү найрлагатай коагулянтаар цэвэрлэхэд умбуур бодисын үзүүлэлт ойролцоогоор 318.72 мг/л, химийн хэрэгцээт хүчилтөрөгчийн үзүүлэлт 767.25 мг/л байна.

3. Байгалийн эрдэст MJ-B коагулянтын томъёоллын ялгаа ньMJ-B коагулянтын эрдсийн бүрэлдэхүүнд төмрийн сульфат Fe(SO₄)(Н₂O), хөнгөнцагааны сульфат Al₂(SO₄)*14H₂O, клиноптилолит Na_1.66K_2.56Ca_1.9(Al_5.48Si_30.52O₇₂)H₂O)_19.16, кальцийн сульфат Ca(SO₄)(H₂O)_0.5 зэрэг нь коагуляцлах чадвар сайтай коагулянтууд болон коагуляц болон флокуляцын процессыг идэвхжүүлэгч, барьцалдуулагч, шингээгч чадвартай эрдсүүдийг илэрсэн байна.

4. Байгалийн эрдэст MJ-B коагулянтын химийн найрлагын томъёоллын ялгаа нь MJ-B коагулянтын химийн найрлага нь SO₃ (17.26%), CaO(14.22%), Fe₂O₃ (11.01%), SiO₂ (9.91%), Al₂O₃ (8.89%), Na₂O (2.0%), бусад (35% шатаалтын хувийн хорогдол) найрлагатай байна.

5. Байгалийн эрдэст MJ-B коагулянтын ширхэглэлийн бүрэлдхүүний томъёоллын ялгаа нь коагулянтын ширхэглэлийн бүрэлдэхүүний хувьд 91.2% нь 0.2 мм, үлдэх хувьд 0.08 мм хэмжээтэй нунтаглагдан, хувийн дундаж гадаргуу 741 см² /г байна.

6. Байгалийн эрдэст MJ-B коагулянтын тунгийн хольцын томъёоллын ялгаа нь MJ-B коагулянтын оновчтой тунгийн хэмжээ, горимыг оновчлолын аргаар тооцоход тунгийн хэмжээ 8 г/л, горим нь усны орчин (рН-8), усны температур – (+30⁰С) байна.