Товч тайлбар
Энэхүү шинэ бүтээл нь ухаалаг хотод зориулсан авто замын хамгаалалтын хашлаганы холбож салгах боломжтой чиглүүлэгч гэрлийн иж бүрдлийг салшгүй байдлаар бүтээсэн учраас урсгал тусгаарлагч хайс болон хамгаалалтын хаалт гэх мэтийн хамгаалалтын хашлаганы дээд талд хөдөлгөөнгүй байдлаар тогтоох боломжтой тул угсралт болон солих ажилд шаардагдах цаг хугацаа, зардлыг мэдэгдэхүйц бууруулах үр нөлөөтэй. Үүний тулд, замын хамгаалалтын хашлаганы дээд талд суурилуулахаар зохион байгуулсан дээд хавтан, дээд хавтангийн хоёр үзүүрээс замын хамгаалалтын хашлаганы гадна талын гадаргуугийн дагуу доошоо тус тус сунаж, бие бие рүүгээ харсан хос хажуугийн хавтан, хос хажуугийн хавтангийн дор хаяж нэгтэй холбогдсон тээврийн хэрэгсэл болон явган зорчигчийн, жолоодох эсвэл хөдөлгөөний чиглэлийг заах чиглүүлэгч гэрлийн модуль болон дээд хавтанд холбогдон чиглүүлэгч гэрлийн модульд цахилгаан эрчим хүчийг нийлүүлэх нарны зай хураагуурын модулийг багтаасан ухаалаг хотод зориулсан холбож салгадаг авто замын хамгаалалтын хашлаганы чиглүүлэгч гэрлийн иж бүрдэлд хамаарах юм.
Томьёолол
1. Ухаалаг хотод зориулсан авто замын хамгаалалтын хашлаганы холбож салгах боломжтой чиглүүлэгч гэрлийн иж бүрдлийн ялгаа нь дараахаас бүрдэнэ:
Замын хамгаалалтын хашлаганы дээд хэсэгт суурилуулахаар зохион байгуулсан дээд хавтан;
Дээд хавтангийн хоёр үзүүрээс замын хамгаалалтын хашлаганы гаднах гадаргуугийн дагуу доошоо тус тус сунаж, бие биеэ харсан хос хажуугийн хавтан;
Хос хажуугийн хавтангийн дор хаяж нэгтэй нь холбогдож тээврийн хэрэгсэл болон явган зорчигчийн, жолоодох эсвэл хөдөлгөөний чиглэлийг заах чиглүүлэгч гэрлийн модуль; болон
Дээд хавтантай холбогдож чиглүүлэгч гэрлийн модульд цахилгаан эрчим хүчийг нийлүүлэх нарны зай хураагуурын модуль.
2. Иж бүрдлийн томьёоллын 1 дүгээрийн ялгаа нь нарны зай хураагуурын модулийг замын хамгаалалтын хашлаганд бэхэлж тогтоох бэхэлгээний тулгууртай бөгөөд бэхэлгээний тулгуурын нэг төгсгөл нь нарны зай хураагуурын модулийн нэг хэсэгтэй холбогдож, бэхэлгээний тулгуурын нөгөө төгсгөл нь замын хамгаалалтын хашлаганы дээд хэсэгт холбогдоно.
3. Иж бүрдлийн томьёоллын 1 дүгээрийн ялгаа нь хажуугийн хавтан нь замын хамгаалалтын хашлаганы гадна гадаргууд хажуугийн хавтангийн дээд хэсгийг холбох 1 дэх холболтын ховилтой байна.
4. Иж бүрдлийн томьёоллын 1 дүгээрийн ялгаа нь хажуугийн хавтан нь замын хамгаалалтын хашлаганы гадна гадаргууд хажуугийн хавтангийн доод хэсгийг холбох 2 дахь холболтын ховилтой байна.
5. Иж бүрдлийн томьёоллын 1 дүгээрийн ялгаа нь дээд хавтан ба хажуугийн хавтан нь бүхэлдээ ㄷ хэлбэртэй байна.
6. Иж бүрдлийн томьёоллын 5 дугаарын ялгаа нь замын хамгаалалтын хашлага нь хос хажуугийн хавтан хооронд хялбархан орж, замын хамгаалалтын хашлаганы гадна гадаргууд нягт холбогдох боломжтой дээрх хос хажуугийн хавтан нь доошлох тусам хоорондын зай нь холдоно.
7. Иж бүрдлийн томьёоллын 1 дүгээрийн ялгаа нь нарны зай хураагуурын модулийн өргөн нь чиглүүлэгч гэрлийн модульд нийлүүлэх цахилгаан эрчим хүчийг нөөцлөх боломжтойгоор дээд хавтангийн урттай ижил байхаар тохируулагдсан.
8. Иж бүрдлийн томьёоллын 1 дүгээрийн ялгаа нь чиглүүлэгч гэрлийн модуль нь дараахаас бүрдэнэ:
Дотор нь чиглүүлэгч гэрэл суурилуулагдаж, хажуугийн хавтан дээр бэхлэгдсэн хоёр үзүүр нь нээлттэй чиглүүлэгч гэрлийн хүрээ;
Чиглүүлэгч гэрлийн хүрээний нээлттэй хоёр үзүүрт суурилуулагдах чиглүүлэгч гэрлийн хүрээний дотор талыг бөглөх хүрээний таг;
Чиглүүлэгч гэрлээс ялгарах гэрлийг чиглүүлэгч гэрлийн модулийн урд хэсэгт нэвтрүүлэх гэрлийн бүрхүүл;
9. Иж бүрдлийн томьёоллын 8 дугаарын ялгаа нь чиглүүлэгч гэрлийн хүрээ нь хажуугийн хавтантай шүргэх талбайг багасгаж замын хамгаалалтын хашлаганд хохирол үзүүлэх гадны нөлөөллийг багасгахын тулд өргөөш чиглэлд хөндлөн огтлол нь T хэлбэртэй байна.
10. Иж бүрдлийн томьёоллын 8 ба 9 дүгээрийн ялгаа нь хүрээний таг нь дараахаас бүрдэнэ:
Гадна харагдах байдлын зэрэгт тохируулан чиглүүлэгч гэрлийн гэрэлтүүлгийг тохируулах эсвэл чиглүүлэгч гэрлийг асааж, унтраах боломжтой бүдгэрүүлэх унтраалга; болон
Нарны зай хураагуурын модуль ба чиглүүлэгч гэрлийг цахилгаанаар холбож, нарны зай хураагуурын модулиас үүссэн цахилгааныг чиглүүлэгч гэрэлд дамжуулах зориулалттай утсан кабелийг оруулах кабелийн нүх;
11. Иж бүрдлийн томьёоллын 10 дугаарын ялгаа нь кабелийн нүхээр нэвт гарах утсан кабелыг чиглүүлэгч гэрлийн модулийн дотогш оруулах үед чиглүүлэгч гэрлийн модулийн битүүмжлэлийг баталгаажуулахын тулд хүрээний тагны гадагш товойн гарсан кабелийн нүхэнд оруулах боох хэсэгтэй, энд боох хэсэг нь утсан кабелыг кабелийн нүхээр нэвт гаргаж оруулах их бие болон оруулах их биеийн нэг үзүүрт холбосон утсан кабелийг нэвтрүүлэхийн тулд дотор нь нэвтлэх нүх гаргасан агшилтын хоолойтой байна.
12. Иж бүрдлийн томьёоллын 11 дүгээрийн ялгаа нь чиглүүлэгч гэрлийн модульд ус болон тоос нэвтрүүлэхгүйн тулд агшилтын хоолойны нэвтлэх нүхний диаметр нь утсан кабелийн диаметрээс бага байх ба агшилтын хоолойны нэвтлэх нүхэнд утсан кабелыг оруулах үед агшилтын хоолой нь уян хатан хүчээр утсан кабелыг шахаж битүүмж үүсгэнэ, оруулах их бие нь кабелийн нүхэнд хийгдэх бөгөөд, суурилуулсан урд хэсгийн диаметр нь жижиг, хойд хэсэг нь том диаметртэй байх ба оруулах их биеийг кабелийн нүхэнд хийх үед хойд хэсэг нь урд хэсгийн үзүүрийг тодорхой уртаас хэтрүүлэн кабелийн нүхэнд оруулахаас сэргийлнэ.