Товч тайлбар
Энэхүү хуванцар хавчуулга ньтөмөр замын салбарт хамаарагдах бөгөөд вагоны залгагдах салгагдах авто угсрааны шилжилт хөдөлгөөнийг зохицуулах төвлөрүүлэгч хоёрыг үрэлт элэгдлийг хамгаалсан хавчуулга юм. Хуванцар хавчуулгын гол зорилго нь вагоны залгагдах салгагдах авто угсрааны шилжилт хөдөлгөөнийг зохицуулагч төвлөрүүлэгч хоёрын хооронд тавьж байрлуулдаг төмөр хавчуулгаас үүсэх эх биеийн гэмтэл, ашиглах хугацаа хязгаарлагдмал байдлыг шийдэх юм.
Одоогоор вагонд төмөр хавчуулга ашиглаж байна. Энэ төмөр хавчуулга нь маш хурдан хугацаанд 4 мм хүртэл үрэгдэн элэгдэх үед бөгөөд ахин шинэ төмөр хавчуулгыг үндсэн эх бие дээр гагнах замаар вагоны үйл ажиллагаа хэвийн явагддаг. 
Харин энэ олон дахин гагнах үйл явц нь хүний ажиллагаа ихтэй байхаас гадна эх биеийг гэмтээж, ахин ашиглагдах боломжгүй болгодог. Ингэснээр хурдан хугацааны эх биеийн эвдрэлийн үр дүнд шинэ эх бие шаардлагатай болж, төмөр замын салбарт ихээхэн зарлага гаргадаг. Харин энэхүү хуванцар хавчуулгыг ашигласнаар энэ асуудал шийдэгдэж, вагонд ямар ч элэгдэл, гэмтэл гаргахгүй, зарлага ч багасна. Хуванцар хавчуулгыг вагоны залгагдах салгагдах авто угсрааны шилжилт хөдөлгөөнийг зохицуулагч төвлөрүүлэгч хоёрын хооронд тавьж байрлуулахад л хангалттай. Мөн хуванцар хавчуулга нь төмөр хавчуулгатай харьцуулахад хуванцар буюу гялгар цаасыг хайлуулж хийдэг болохоор авсаархан, хөнгөн, тавьж байрлуулахад амархан, олон дахин солих шаардлагагүй, олон жилийн настай гэдгээрээ давуу талтай.

Томьёолол

1. Хуванцар хавчуулгын ялгаа нь  хавчуулга нь авто угсрааны төвлөрүүлэгчийн урд зуурагч (1), үрэгдлээс хамгаалах гол жийргэвч хавтан (2), хажуугийн бэхлэгчийн тулгуур (3), хажуугийн бэхлэгч (4), авто угсрааны төвлөрүүлэгчийн хойд зуурагч (5)-аас бүрдэх бөгөөд авто угсрааны төвлөрүүлэгч дээр бэхлэгдэх урд зуурагч (1) болон хойд зуурагч (5)-ийг гол жийргэвч хавтан (2) дээр  “П” хэлбэр үүсгэхээр босоо бэхэлж, хойд зуурагч (5)-ийн эсрэг хоёр төгсгөлөөс гол жийргэвч хавтан (2)-гийн уртын дагуу гурвалжин хэлбэр үүсгэн үргэлжилэх хажуугийн бэхлэгч (4)-ийг тулгуур (3)-аар дэмжихээр хийцийг зохиомжилсон.

2. Хуванцар хавчуулгын томьёоллын 1 дүгээрийн ялгаа нь тулгуур (3) нь вагон явах үед хажуугийн бэхлэгчийг (4) дэмжиж, хажуугийн бэхлэгч (4) мултарч хэлбэрээ алдахаас сэргийлнэ.

3. Хуванцар хавчуулгын томьёоллын 1 дүгээрийн ялгаа нь хуванцар хавчуулгыг авто угсрааны төвлөрүүлэгчтэй үндсэн их биеийг хөдөлгөөнгүй байлгахад ашиглана.