Товч тайлбар
Монгол улсын эрчим хүчний салбарын 6/10/35 кВ-н кабель сүлжээ бүхий хаалттай хуваарилах байгууламжийн кабель шугамын тоноглолд ашиглана. Эрчим хүчний найдвартай тасралтгүй байдлыг дээшлүүлэхийн тулд өнөөгийн монгол улсын эрчим хүчний салбарт тулгамдаж байгаа асуудлыг шийдвэрлэх алхамын нэг. Нуман гэмтлийн үед ажиллах реле хамгаалалтын төхөөрөмжийн найдвартай ажиллагааг дээшлүүлэх зорилгоор ижил төстэй шийдлүүдийг ахиулах замаар технологиудын ашигтай талуудыг тусгаж нэг бүрдмэл төхөөрөмжийг зохион бүтээсэн. Найдвартай ажиллагааг дээшлүүлэх үндсэн зорилт:
- Гурван хэмжээсийг нэг дор хэмжих нь үнэн зөв ажиллагааг дээшлүүлнэ
- Универсаль ажиллагаатай тул нэмэлт зардал шаардахгүй
- Хурдан үйлчилгээтэй тул бусад тоноглол гэмтэхгүй
- Хөгжүүлэлтийг богино хугацаанд хийх давуу эрхтэй
- Синхрон цагын сүлжээнд сериал холболтоор орох бүрэн боломжтой.
Кабель шугамын үзүүрт нуман гэмтэл үүсэх үед бусад тоноглолыг маш ихээр гэмтээдэг нь том асуудал дагуулж байгаа бөгөөд маш богино хугацаанд үйлчилдэг байх нь нэн тэргүүний зорилго, дараагийн шалтгаан нь импортын төхөөрөмжүүд нь универсаль ажиллагаа байхгүй нь эдийн засгийн хувьд өртөг өндөртэй байдлыг бий болгож байна. Дотоодын төхөөрөмжийг нэвтрүүлсэнээр ашигтай ажиллагааны том хөшүүрэг болно. Мөн төхөөрөмжтэй холбоотой гэмтэлийг түргэн хугацаанд засварлах, хөгжүүлэлтийг тогтмол хийнэ.
1. Нумын бие даасан реле төхөөрөмжийн ялгаа нь төв процессор (1), оролтын клем (2), гаралтын клем (3), RS485 интерфейсийн холбогч (4), гаралтын реле модуль (5), МАХ485 хөрвүүлэх хөрвүүлэгч (6), тэжээлийн блок (7) зэргээс бүрдэх төв процессорын хавтан мөн BPW-34S-Z фотодиод (8), оролтын клем (9), LM358 маягийн үйлдлийн өсгүүр (10), гаралтын клем (11), эсэргүүцлээс (12) бүрдэх мэдрэгч хавтангаас тогтдог.
2. Төхөөрөмжийн томьёоллын 1 дүгээрийн ялгаа нь HLK-PM01 3 Ваттын хувьсах 220В хүчдэлээс тогтмол 5В хүчдэлд хувиргадаг тэжээлийн блок (7) ашиглан мэдрэгч хавтан болон төв процессорын хавтанг бүрэн тэжээнэ.
3. Төхөөрөмжийн томьёоллын 1 дүгээрийн ялгаа нь 6/10/35 кВ-н хаалттай хуваарилах байгууламжийн таслуурын үүрэнд нуман гэмтэл үүсэх үеийн гэрлийн эрчмийг (цэгэн, туузан мэдрэгчээс үл хамааран) ВОД-РК маягийн шилэн кабелиар гэрлийн хурдаар фотодиодод (8) дамжуулдаг.
4. Төхөөрөмжийн томьёоллын 1 дүгээрийн ялгаа нь фотодиод (8) нь туйл хооронд тохирох хэмжээтэй электрон дамжих нүх үүсгэн цахилгаан энерги урсаж дамжуулагч болж энэхүү бага хэмжээний энергийг үйлдлийн өсгүүр (10) болон 4.7 кОм-ын эсэргүүцлүүдийг (12) компаратор болгон ашигласнаар цахилгаан энергийг өсгөн гаралтын клемээр (11) төв процессорын хавтанд дамжуулна.
5. Төхөөрөмжийн томьёоллын 1 дүгээрийн ялгаа нь төв процессорын хавтанд ирсэн цахилгаан энергийг төв процессор (1) боловсруулсны дараа тавилын утгатай харьцуулж тавилын утгаас давсан тохиолдолд ачааллын гүйдлийг хэвийн эсэх, таслуурын залгаатай төлөвийн мэдээлэл хэвийн зэргийг оролтын клемээр (2) дамжуулан авч энэхүү гурван нөхцөл зэрэг биелэх үед гаралтын реле модульд (5) таслуурыг таслах сигналыг дамжуулж хамгаалалт ажиллана.
6. Төхөөрөмжийн томьёоллын 1 дүгээрийн ялгаа нь хамгаалалт ажилласан, хамгаалалт ажилсан хэдий ч таслуур татгалзсан зэрэг мэдээллийг RS-485 интерфейсийн модуль руу хөрвүүлэх хөрвүүлэгч (6) ашиглан төв удирдлагад мэдээлэн дохио өгнө.