Товч тайлбар
Энэхүү ашигтай загвар нь тээврийн салбарт, ялангуяа газрын тосны бүтээгдэхүүнийг тээвэрлэх чингэлэг буюу хатуу биет савд хамаарна. Газрын тосны бүтээгдэхүүнийг тээвэрлэх зориулалтын чингэлэг нь доод талаараа шал хэсэгтэй холбогдох хажуугийн хамгаалалтын хануудтай байх ба эдгээр ханын хажуугийн зах талд босоо тулгуур туузан хавтан буюу баганатай, ханын дунд хэсэгт нь хөндлөвч туузан хавтангуудыг холбох зориулалттай бэхэлгээний босоо туузан хавтан, мөн хэвтээ чиглэлд холбох хөндлөвч туузан хавтангууд, хажуу хамгаалалтын хануудтай болон доод шалны харгалзах хэсэгт нэмэлтээр холбогдох суурийн хавтан зэрэг элэментүүдтэй байна. Хажуу хануудыг хооронд нь холбох захын тулгуур хавтангуудыг хооронд нь хөдөлгөөнгүйгээр хатуу бэхлэж холбох ба мөн дундын босоо туузан хавтан нь уг хажуу ханын дээд ба доод хөндлөвч туузан хавтантай бат бөх бэхлэгдсэн байна. Хажуугийн хамгаалалтын хананы хөндлөвч туузан хавтангууд нь түүний захын бэхэлгээний босоо туузан хавтан ба дунд баганыг хооронд нь холбосноор илүү бат бөх болсон гэж үзсэн. Босоо туузан хавтангуудыг 80-150 мм-ийн өргөнтэй, харин хөндлөвч туузан хавтангуудыг 60-150 мм өргөнтэй хийсэн. Доод шал хэсэгт нэмэлтээр холбогдох хавтангийн урт нь хамгийн багадаа 50 мм байх нь илүү дээр бөгөөд урт нь хамгийн ихдээ харгалзах хажуугийн хананы өргөнтэй тэнцүү байж болно. Нэмэлтээр холбогдох суурийн туузан хавтангууд нь 20-30 мм өргөнтэй байвал зохино. Газрын тосны бүтээгдэхүүнийг тээвэрлэх чингэлэг нь дотор талдаа түүний хажуугийн хананы дотор байрлах нэмэлт уян хатан зөөврийн савыг агуулах юм. Бидний санал болгож буй шийдлийн техникийн үр дүн нь түүний найдвартай байдлыг нэмэгдүүлэх явдал юм.
Томьёолол
1.Газрын тосны бүтээгдэхүүнийг тээвэрлэх зориулалтын чингэлэг нь доод талаараа шал (2) түүнтэй холбогдох хажуугийн хамгаалалтын ханууд (1), ханын хажуугийн зах талд босоо тулгуур туузан хавтан (3), ханын дунд хэсэгт хөндлөвч туузан хавтангуудыг холбох зориулалттай бэхэлгээний босоо туузан хавтан (4), хэвтээ чиглэлд холбох хөндлөвч туузан хавтангууд (5), хажуу хамгаалалтын хануудтай болон шалны харгалзах хэсэгт нэмэлтээр холбогдох суурийн хавтан (6) зэрэг элэментүүдтэй байх ба хажуу ханууд (1) болон захын тулгуур хавтангуудыг(3) хооронд нь хөдөлгөөнгүйгээр холбох ба дундын босоо туузан хавтан(4) нь уг хажуу ханын дээд ба доод хөндлөвч туузан хавтантай бэхлэгдсэн байхаар зохиомжилсон.
2. Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь хажуугийн хамгаалалтын ханын хөндлөвч туузан хавтангууд (1) нь ханын хажуугийн тулгуур туузан хавтан (3) ба дунд босоо тулгуур туузан хавтангийн (4) хооронд байна.
3. Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь 80-150 ммийн өргөнтэй захын босоо тулгуур туузан хавтантай (3) байна.
4. Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь хөндлөвч туузан хавтангууд (1) нь 60-150 мм өргөнтэй байна.
5.Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь нэмэлтээр холбох суурийн туузан хавтангийн (6) хамгийн багадаа урт нь 50 мм, хамгийн ихдээ урт нь харгалзах хажуугийн хамгаалалтын ханын өргөнтэй тэнцүү байна.
6. Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь нэмэлтээр холбох суурийн туузан хавтангийн (6) өргөн нь 20-30 мм байна.
7. Газрын тосны бүтээгдэхүүнийг тээвэрлэх зориулалтын чингэлгийн томьёоллын 1 дүгээрийн ялгаа нь түүний дотор талд хажуугийн ханатай холбосон нэмэлт уян зөөгч савтай байна.