Товч тайлбар
Хэт өндөр радио давтамжийн чип бүхий шошгыг олон тоо ширхэгтэй бараа материалын, хөрөнгийн эсвэл тээврийн гэх мэт төрөл бүрийн биет зүйлсийн бүртгэлийг богино хугацаанд хийх буюу таних зорилгоор сүүлийн жилүүдэд дэлхий нийтээрээ маш түгээмэл ашиглаж байна. Уг шошгод агуулагдаж буй микро чипийн мэдээллийг өөрчилж дахин ашиглах техникийн үзүүлэлт нь 100,000 удаа боловч загвар дизайнаар хязгаарлагдаж, ихэнх тохиолдолд 1 удаа, цөөхөн тохиолдолд 6 хүртэлх удаа ашиглаж байна. Одоогийн байдлаар нэг удаа ашиглаж байгаа шошго нь үйлдвэрээсээ цавуутай цаас бүхий, олон ширхэгтэй ороомог хэлбэрт оруулан үйлдвэрлэгддэг ба энэ загвар нь чип тус бүрийн кодыг богино хугацаанд нэг бүрчлэн шарах хүчин чадалтай тусгай принтерт зориулагдсан байдаг.
Хэт өндөр радио давтамжийн чип бүхий шошгыг дахин ашиглах тохиолдолд микро чипийн дахин давтагдашгүй кодыг шошго нэг бүрээр өөрчилж шарах шаардлага үүсдэг ба олон тооны бараа материалтай байгууллагуудад уг ажилд хүндрэл тулгардаг. Түүнчлэн, ар талдаа цавуутай түгээмэл загварыг ахин ашиглах боломжгүй байдаг учир нь биетээс шошгыг салгах үед цавуу нь наалдаад үлддэг.
Хэт өндөр радио давтамжийн чип бүхий шошгод зориулан Тэрний загвар 2”- ийг боловсруулсан ба шошгоо тухайн гэр дээр наах эсвэл дотор нь суулгаж үйлдвэрлэх боломжтой юм. Зориулалтын буюу олон тооны Хэт өндөр радио давтамжийн чипэнд код шарах төхөөрөмжид тохирсон загвартай. Тодруулбал хооронд нь холбох болон салгахад хялбар, олон тоогоор цуваа байдлаар холбож ороомог хэлбэрт оруулах боломжтой байдлаар загварчилж бид зохион бүтээсэн.
1. Шошгоо наах эсвэл дотор нь суулгах дахин кодлох төхөөрөмжид тохирсон зузаан бүхий эх биетэй Хэт өндөр радио давтамж таних цаасан шошгыг дахин ашиглах боломжтой болгох гэрний бүтээцийн ялгаа нь гэрний урт хоёр талын толгой хэсэгт нь ховил (4), эсрэг талд нь углуургатай (5) байх ба углуурга нь хоёр талдаа тэгш өнцөгт параллелепипед хэлбэртэй хязгаарлагчтай (3), тэдгээрт холбогдсон цилиндр (савхан) хэлбэртэй, ховилдоо багтах хэмжээтэй байх бөгөөд ховил (4) нь цилиндр (савхан) углуурга орох цилиндр хөндий хэсэгтэй, 30°-с ихгүй хэмжээтэй углуурга орох амсартай байна.
2.Бүтээцийн томьёоллын 1 дүгээрийн ялгаа нь цаасан шошгоо гэр дээр наах хийцлэлтэй бол тухайн шошгод тохирсон эх бие (2) дээр микро чипийг тогтсон нэг цэгт байхаар наах ховилтой байна, хэрэв гэр дотор шошгоо суулгах хийцлэлтэй бол чипээ тогтсон нэг цэгт байхаар суулгаж өгөх хэсэгтэй байна.
3.Бүтээцийн томьёоллын 1 дүгээрийн ялгаа нь гэрүүд хоорондоо хэлхэгдсэний дараа холбоосоороо нугарах хөдөлгөөн хийх боломжтой байх бөгөөд ховилтой хэсгийн амсар хэсэг нь хагас дугуй байх ба цилиндр углуургад холбогдсон ховилтой хийц чөлөөтэй эргэж байхаар гэр, углуурга хооронд хоосон зайтай байна.