Товч тайлбар
Хэт өндөр радио давтамжийн чип бүхий шошгыг олон тоо ширхэгтэй бараа материалын, хөрөнгийн эсвэл тээврийн гэх мэт төрөл бүрийн биет зүйлсийн бүртгэлийг богино хугацаанд хийх буюу таних зорилгоор сүүлийн жилүүдэд дэлхий нийтээрээ маш түгээмэл ашиглаж байна. Уг шошгод агуулагдаж буй микро чипийн мэдээллийг өөрчилж дахин ашиглах техникийн үзүүлэлт нь 100,000 удаа боловч загвар дизайнаар хязгаарлагдаж, ихэнх тохиолдолд 1 удаа, цөөхөн тохиолдолд 6 хүртэлх удаа ашиглаж байна. Одоогийн байдлаар нэг удаа ашиглаж байгаа шошго нь үйлдвэрээсээ цавуутай цаас бүхий, олон ширхэгтэй ороомог хэлбэрт оруулан үйлдвэрлэгддэг ба энэ загвар нь чип тус бүрийн кодыг богино хугацаанд нэг бүрчлэн шарах хүчин чадалтай тусгай принтерт зориулагдсан байдаг.
Хэт өндөр радио давтамжийн чип бүхий шошгыг дахин ашиглах тохиолдолд микро чипийн дахин давтагдашгүй кодыг шошго нэг бүрээр өөрчилж шарах шаардлага үүсдэг ба олон тооны бараа материалтай байгууллагуудад уг ажилд хүндрэл тулгардаг. Түүнчлэн, ар талдаа цавуутай түгээмэл загварыг ахин ашиглах боломжгүй байдаг учир нь биетээс шошгыг салгах үед цавуу нь наалдаад үлддэг.
Хэт өндөр радио давтамжийн чип бүхий шошгод зориулан Тэрний загвар 3”- ийг боловсруулсан ба шошгоо тухайн гэр дээр наах эсвэл дотор нь суулгаж үйлдвэрлэх боломжтой юм. Зориулалтын буюу олон тооны Хэт өндөр радио давтамжийн чипэнд код шарах төхөөрөмжид тохирсон загвартай. Тодруулбал хооронд нь холбох болон салгахад хялбар, олон тоогоор цуваа байдлаар холбож ороомог хэлбэрт оруулах боломжтой байдлаар загварчилж бид зохион бүтээсэн.
1.Шошгоо наах эсвэл дотор нь суулгаж, дахин кодлох төхөөрөмжид тохирсон зузаан бүхий эх биеээс бүрдэх Хэт өндөр радио давтамж таних цаасан шошгыг дахин ашиглах боломжтой болгох гэрний бүтээцийн ялгаа нь гэр нь шошгын урт хэсэгтэй перпендикуляр хоёр талын нэг талд нь илүү гарсан углуурга (4), эсрэг талд нь гэрийг ухсан нүхтэй (1, 2, 3) байх ба углуурга нь эх биеэс илүү гарсан, холбогдох нүхний дугуй хэсэгт багтах хэмжээтэй хүзүү, гэрүүдийг бие биеэс нь салгахгүй барих хүзүүтэй холбогдсон дугуй тогтоогчоос (4) бүрдэх бөгөөд нүх нь углуургын дугуй хэсэг нимгэн талаараа багтах нарийн завсар (1), хүзүү хэсэг нь хавтгайгаараа багтах дугуй хэсэг (2) болон гэрний хөдөлгөөнийг хязгаарлах нарийн завсрууд (3)-тай байна.
2.Бүтээцийн томьёоллын 1 дүгээрийн ялгаа нь цаасан шошгоо гэр дээр наах хийцлэлтэй бол тухайн шошгод тохирсон эх бие (5) дээр микро чипийг тогтсон нэг цэгт байхаар наах ховилтой байна, хэрэв гэр дотор шошгоо суулгах хийцлэлтэй бол чипээ тогтсон нэг цэгт байхаар суулгаж өгөх хэсэгтэй байна.