ТОВЧ ТАЙЛБАР
Тус шийдлийн зорилго нь Монгол орны эрс тэс уур амьсгалтай нөхцөлд ургадаг
ургамлаас, хөдөө аж ахуй газар тариалалтанд үрийн соёололтийг дэмжин хөрсөнд
шилжүүлэх үйл явцыг түрэгсгэх зорилгоор ашиглах боломжтой ургамлын өсөлт
дэмжих чадвар бүхий эндофит бактерийн нутгийн омгийг олж илрүүлэн,
тодорхойлоход оршино.
Тус шийдлийн Зүүн гарын гоёо буюу Cynomorium songaricum эмийн ургамлаас
ялган авсан эндофит бактерийн Klebsiella sp. Р26-Н1 нутгийн омог нь Грам сөрөг,
савханцар хэлбэртэй, хөдөлгөөнгүй, ургамлын өсөлт дэмжих гормон болох индол
цууны хүчлийг нийлэгжүүлдэг, улаан буудайн үрийг соёолуулж, хөрсөнд ургамлын
ногоон масс, үндэс үүсгэх чадвартай болно.

ТОМЬЁОЛОЛ

Зүүн гарын гоёо буюу Cynomorium songaricum эмийн ургамлаас ялган авсан ургамлын өсөлт дэмжигч, индол цууны хүчил нийлэгжүүлэгч нутгийн омог Klebsiella sp. P26-H1 нь грам сөрөг, хөдөлгөөнгүй, савханцар хэлбэртэй эндофит бактери бөгөөд, LB шингэн тэжээлийн орчинд 15°С-аас 45°С хэмд, рН 5 – 9 –тэй орчинд ургаж, ургамлын өсөлтөнд нэн шаардлагатай индол цууны хүчлийг нийлэгжүүлдэг. Тус омог нь индол цууны хүчлийг 24 цагт 32.56 мкг/мл хэмжээтэй, 120 цагт 69.52 мкг/мл хүртэл нийлэгжүүлэх чадвартай. LB шингэн тэжээлийн орчинд ургуулсан Klebsiella sp. P26-H1 нутгийн омгийн эсийн тоо 106-107 зэрэгт байх үед улаан буудайн үрийг 3 хоногт 18%- тай соёолуулах ба хөрсөнд шилжүүлэхэд ургамлын үндэс болон ногоон масс үүсгэх чадвар өндөр байна. Тус омгийг хөдөө аж ахуй, газар тариалалтанд үрийн соёололтийг дэмжих, хөрсөнд шилжүүлэх үйл явцыг түрэгсгэх зорилгоор биобэлдмэл эсвэл биобордоо үйлдвэрлэхэд хөрөнгө болгон ашиглах боломжтой. Энэхүү омог нь Шинжлэх Ухааны Академийн Биологийн хүрээлэнгийн Микробиологийн лабораторийн бичил биетний санд Klebsiella sp. P26-H1 нэртэйгээр хадгалагдаж байна.