товч тайлбар:
Эмийн ургамал түүж, бэлтгэх стандартын дагуу бэлтгэсэн сөөгөн боролзгоно
ургамлын газрын дээд хэсэгт агуулагдах гол үйлчлэгч бодисыг хандлагдах
тохиромжтой горимоор хандлан хуурайшуулсан. Сөөгөн боролзгоно /Dasiphora
fruticosa L/-fl агуулагдах квертицины флавоноидын эсийн доторх кальцийн ионы
концентрацийг багасгаж, фосфолипазыг идэвхжүүлж, холестерины нийлэгжилтийг
саатуулж, цусанд липид болон глюкозын хэмжээг бууруулдаг идэвхийг PPAR-
зохицуулгат липидийн метаболизмийг зохицуулснаар цусны глюкозын агууламжийг
бууруулж инсулинд мэдрэг байдлыг нэмэгдүүлдэг банаба ургамлын ханд болон
инсулинд мэдрэг эсүүдийг нэмэгдүүлэх, инсулиныг ялгаралтыг нэмэгдүүлэх, элгэнд
үүсэх гликогенийг ихэсгэх, липидийн солилцоог сайжруулах үйлдэлтэй газрын
самрын үндсээр баяжуулсан. Дээрх 3 ургамлын ханднуудыг тодорхой харьцаагаар
хольж, үйлдэл тогтоох туршилтууд хийж, цусан дахь глюкозын хэмжээг хамгийн их
бууруулах тохиромжтой харьцааг тогтоон чихрийн шижингийн 2-р хэв шинжийн
өвчлөлөөс сэргийлэх, цусны глюкозын агууламжийг бууруулж, инсулинд мэдрэг
байдлыг нэмэгдүүлэх, чихрийн шижингийн 2-р хэв шинжтэй өвчтөнүүдийн эмийн
бэлдмэлийн үйлчлэх хугацааг уртасгах, тус өвчнөөс урьдчилан сэргийлэх үйлдэлтэй
биологийн идэвхт бэлдмэлийг гарган авсан.
томьёолол:
1.Ургамлын гаралтай түүхий эд агуулсан чихрийн шижингийн өвчлөлөөс сэргийлэх биологийн идэвхт бүтээгдэхүүний найрлага, бэлтгэх аргын ялгаа нь 2-р хэв шинжийн чихрийн шижингийн үед цусан дахь сахар болон липидийн хэмжээг бууруулах, чихрийн шижингийн өвчлөлөөс сэргийлэх биологийн идэвхт бүтээгдэхүүн гаргаж авах зорилгоор сөөгөн боролзгоно ургамлын газрын дээд хэсгийг тусгайлан бэлтгэж 50 хувийн этилийн спиртэд хэсэгчилсэн мацерацийн аргаар хандалж хуурайшуулан бэлтгэнэ.
2. Бэлтгэх аргын томьёоллын 1 дүгээрийн ялгаа нь сөөгөн боролзгоно ургамлын
хуурайшуулсан хандыг банаба ургамлын ханд, газрын самрын үндэс болон
бусад туслах бодисуудтай хольж капсул хэлбэрт оруулна.
3. Ургамлын гаралтай түүхий эд агуулсан чихрийн шижингийн өвчлөлөөс сэргийлэх биологийн идэвхт бүтээгдэхүүний найрлагын ялгаа нь дараах найрлагатай байна.
