Товч тайлбар
Энэхүү зуух нь хэлбэр дүрс шатах процессийн хувьд ердийн зуухтай адил боловч нэмэлт тоноглолууд дээр тулгуурлан автоматаар ажиллаж паар болон агаар халаах хүчин чадалтай болно.
Нэмэлтээр тавьсан сэнс хангалттай хүчилтөрөгч болон агаар өгснөөр нүүрс модон түлш бүрэн шатаж утаа тортог нүдэнд харагдахуйц бага байх бөгөөд гарах үнс илт бага байна.
Автомат түлш өгөх төхөөрөмж нь градус мэдрэх термометрийн тусламжтайгаар ажиллаж мөн зогсож амарна.
Автомат үнс цэвэрлэх төхөөрөмж түлш өгөх төхөөрөмжтэй адил бөгөөд эсрэг эргэж ажиллана.
Нэмэлтээр дээд хэсгийн хоёр хажууд байрлуулсан тэгш өнцөгт дөрвөлжин хоёр хэсэг мөн голд нь галын дөл дээгүүр хөндлөн холбосон турбагаар нэг талаас нөгөө талруу халуунаар агаар үлээх зориулалттай.
Нам даралтын зуухны адил яндангын гадуур байрлуулсан 150 мм х 150 мм-ийн квадрат усны сав нь нэмэлт халаах хэсэг юм.
Усыг агшин зуурт халаах зориулалттай энэхүү зуух нь сэнс, автомат тэжээгч, үнс авагч, агаар халаагч гэх мэт төхөөрөмжүүдээр тоноглогдсоноос гадна Турк улсад хийгдсэн цахилгаан карт болон хянах самбараар автоматчилалаар шийдсэн болно. Тохируулсан горимоор ажиллаж унтарч асч, тэжээл өгөх, сэнсний эргэлтийн хүч болон градусаа тохируулна. Градус ханасан үед төхөөрөмжүүд унтрахад эргэлтийн насос ажиллах үед голд байрлах цагирган тенн доторх халуун цог усны халууныг удаан барьж төхөөрөмжүүд амарч түлш хэмнэж ажилладаг нь Цагирган хотолтой зуухны давуу тал юм.

Томьёолол

1. Их бие,  галын хотол, түлш хангах болон үнс татах мотор, сэнс, түлшний сав, яндан, ус халаах сав, агаар халаах хэсгээс бүрдэх Цагариган хотолтой агаар халаах зуухны ялгаа нь зуух нь гадуураа ус халаах ТЭН /А2/-ээр бүрхэгдсэн доороосоо агаараар хангах сэнс /А6/ бүхий босоо цилиндр хэлбэрийн  галын хотол,  галын хотлын дээр байрлаж хотлоос гарах халуун дөлний элчийг бүхэлд нь шингээж халаалт хийх  хавтгай дөрвөлжин хэлбэрийн ус халаах сав /А10/, доороо мотор /А7/-оос эргэлт аван түлшийг бутлан татах шнекэн механизмаар тоноглогдсон зуухны дээр байрлах түлшний нэмэлт сав /А8/-тай байхаар хийцийг зохиомжилсон.

2. Зуухны томьёоллын 1 дүгээрийн ялгаа нь  нь    галын хотол нь дотуураа ус гүйж халах, ороомог хэлбэрээр матаж хийсэн ТЭН /А2/ байх бөгөөд түлшний халууныг шууд шингээн авч хална.

3. Зуухны томьёоллын 1 дүгээрийн ялгаа нь    зуухны дээр хоёр хажуу хананд байрлан голдоо дөлөн дээгүүрх хөндлөн хоолойгоор холбогдсон, халуун агаар үлээх хоёр талдаа нүхтэй агаар халаах хэсэг /А11/-тэй байна.

4. Зуухны томьёоллын 1 дүгээрийн ялгаа хотолд үүссэн үнс хагийг үлээж дээд тавцанд мөргөн доош үнсний сав руу унасан хүнд хаг хатуурсан үнс хаягдлыг татах моторт төхөөрөмж /А4/-ийг галын хотлын дор байрлуулсан.

5. Зуухны томьёоллын 1 дүгээрийн ялгаа нь   зуухны их биеийн халалт бага бөгөөд   усаа тохируулсан хэм хүртэл халаан амарч, дахин ажиллаж байхаар тохируулсан хийцтэй байна.