ТОВЧ ТАЙЛБАР
Тус шийдлийн зорилго нь өөрийн орны уламжлалт сүү, сүүн бүтээгдэхүүнээс пробиотик бүтээгдэхүүний үйлдвэрлэлд хөрөнгө болгон ашиглах боломжтой пробиотик идэвхтэй, биологийн ашигт шинж чанар бүхий сүүн хүчлийн бактерийн нутгийн омгийг олж илрүүлэн тодорхойлоход оршино.
Тус шийдлийн Ямааны сүүнээс ялган авсан Lactococcus lactis S9-7 нутгийн омог нь Грам эерэг, каталаза сөрөг, хөдөлгөөнгүй, дан болон гинжилсэн кокк хэлбэртэй, гомоферментатив сүүн хүчлийн бактери бөгөөд, уураг задлах болон өвчин үүсгэгч бактерийн эсрэг идэвхтэй,
экзополисахарид нийлэгжүүлэх чадвартай, болон тосгүй сүүтэй тэжээлт орчинд сүүг бүрэлдүүлэх чадвартай болно.

ТОМЬЁОЛОЛ
Ямааны сүүнээс ялгасан нутгийн омог Lactococcus lactis S9-7 нь грам эерэг, каталаза сөрөг, хөдөлгөөнгүй, дан болон гинжилсэн кокк хэлбэртэй, cүүн хүчлийн бактерийн M17 сонгомол хатуу тэжээлт орчны гадаргууд 1-2 мм хэмжээтэй, дугуй, цагаан колони үүсгэдэг, шингэн M17 орчинд 15°С, 37°С, 45°С хэмд тус бүр 24-48 цагт булингар үүсгэн ургадаг, тосгүй сүүтэй орчинд 1.53%-ийн хүчиллэг үүсгэж, 8 цагт сүүг бүрэлдүүлэх чадвартай, pH 5, pH 7, pH 9-тэй орчинд ургах чадвартай, 3.5% ба 6.5%-ийн давсны концентрацитай болон 0.3%-ийн цөсний давстай M17 шингэн тэжээлт орчинд тэсвэрлэн ургах чадвартай, уураг задлахпротеолитик идэвхтэй, өвчин үүсгэгч бактери Staphylococcus aureus, Bacillus subtilis-ийн өсөлт, үржлийг дарангуйлах идэвхтэй, экзополисахарид нийлэгжүүлэх чадвартай гомоферментатив сүүн хүчлийн бактери болно. Lactococcus lactis S9-7 нутгийн омгийг исгэлэн сүүн бүтээгдэхүүн, пробиотик бүтээгдэхүүний үйлдвэрлэлд хөрөнгө өсгөвөр болгон ашиглах боломжтой. Энэхүү омог нь ШУА-ийн Биологийн хүрээлэнгийн Микробиологийн лабораторийн бичил биетний санд MNB021-S9-7 дугаартай хадгалагдаж байна.