Тус шийдлийн зорилго нь газар хөдлөлт бүртгэх, хянах зориулалтын газар хөдлөлт бүртгэх, бүрэлдэхүүн хэсгүүдийн хэвийн үйл ажиллагааг хянан мэдээлэл өгөх, ялангуяа алсаас удирдан ажиллах боломжтой Хяналтын төхөөрөмжтэй газар хөдлөлт бүртгэх нүүдлийн станцыг загварчлан хөгжүүлж, бүтээж бий болгоход оршино.
Тус шийдлийн Хяналтын төхөөрөмжтэй газар хөдлөлт бүртгэх нүүдлийн станц нь суурин станцад ашиглах төхөөрөмж үйлдэл дээр нэмэн дараах бүрэлдэхүүн хэсэгтэй байна. Үүнд: нарны дэлгэцийн гаргаж байгаа цахилгаан эрчим хүч нь хэвийн байгаа эсэхийг шалгах зориулалттай бөгөөд, Нарны дэлгэц дээр эсвэл хажууд нь байрлуулсан нарны гэрэл мэдрэх мэдрэгч; нэмэлт төхөөрөмжүүд болох жижиг цаг уурын төхөөрөмж, зураг авах зориулалттай камер зэрэгтэй холбогдох портууд; Сейсмометрийг тэгшхэн байрлан ажиллаж байгааг тодорхойлох сейсмометрийн тэгш байдлыг мэдрэх зориулалттай мэдрэгч; Нарны дэлгэц хөдөлгөөн орсон аль эсвэл унасан эсэхийг тодорхойлох нарны дэлгэцийн суурийг хянах зориулалттай мэдрэгч; хяналтын төхөөрөмжийн их биеийн дээд хэсэгт амьтан хүний хөдөлгөөн илэрч буйг мэдрэх чичиргээ мэдрэх болон станцын их биеийн дээд хэсэг эвдрэх, цөмрөх байдлыг хянах зориулалттай мэдрэгчтэй байна.
ТОМЬЁОЛОЛ
1. Нүхэн байранд байрлуулсан газар хөдлөлтийг хэмжих зориулалттай сейсмометр, уг сейсмометр хэмжилт хийн гаргасан аналог өгөгдлийг тоон өгөгдөл болгон хувиргах зориулалттай дижитайзер, солбилцлын мэдээллийг хиймэл дагуулаас хүлээн авах GPS, цахилгаан эрчим хүчээр хангах нарны дэлгэц, уг нарны дэлгэцийн гаргасан цахилгааныг хуримтлуулан бусад төхөөрөмжийг цахилгаан эрчим хүчээр хангах батарей, дулаан хэмжигч мэдрэгч, чийг хэмжигч мэдрэгч, болон ус мэдрэгч, холбооны сүлжээ, станцын бүрэлдэхүүн хэсгүүдээс өгөгдөл, мэдээлэл хүлээн авч боловсруулан сервер рүү дамжуулах болон станцын бүрэлдэхүүн хэсгүүдийг удирдах зориулалттай хяналтын төхөөрөмж бүхий Хяналтын төхөөрөмжтэй газар хөдлөлт бүртгэх нүүдлийн станцын ялгаа нь уг станц нь нарны дэлгэцийн (4) гаргаж байгаа цахилгаан эрчим хүч нь хэвийн байгаа эсэхийг шалгах зориулалттай бөгөөд нарны дэлгэц (4) дээр эсвэл хажууд нь байрлуулсан нарны гэрэл мэдрэх мэдрэгч (44); сейсмометрийн тэгш байдлыг мэдрэх зориулалттай мэдрэгч (35); нарны дэлгэц (4) хөдөлгөөнд орсон аль эсвэл унасан эсэхийг тодорхойлох, болон нарны дэлгэцийн (4) суурийг хянах зориулалттай мэдрэгч (40); хяналтын төхөөрөмжийн их биеийн дээд хэсэг эвдрэх, цөмрөх байдлыг хянах зориулалттай даралт мэдрэгч (27) болон хяналтын төхөөрөмжийн их биеийн дээд хэсэгт амьтан хүний хөдөлгөөн илэрч буйг мэдрэх чичиргээ мэдрэх мэдрэгчтэй (45) байна
2. Хяналтын төхөөрөмжтэй газар хөдлөлт бүртгэх нүүдлийн станцын томьёоллын 1 дүгээрийн ялгаа нь хяналтын төхөөрөмж (20) нь нэмэлт сериал болон параллель порттой байх бөгөөд цаг уурын төхөөрөмж, зураг авах камер холбогдоно.