Дэвшүүлж буй шинэ бүтээлийн зорилго нь бактерийн эсрэг бэлдмэл хийх арга
технологийг боловсруулахад оршино. Залезовын зэдгэлж ургамлын газрын
дээрхи хэсгийг тасалгааны температурт 3-5 хоног этилийн спиртээр хандлаад,
шингэн хандыг шүүлтүүрээр шүүж, вакуум ууршуулагчаар нэрж уусгагчийг
зайлуулан хуурайшуулна. Хуурайшуулсан хандыг бусад бүрэлдэхүүн болон
туслах бодистой тодорхой харьцаагаар хольж найруулж бактерийн эсрэг
бэлдмэлийг бэлтгэнэ

1.Залезовын зэдгэлж ургамлыг ашигласан бактерийн эсрэг бэлдмэл түүнийг

хийх аргын ялгаа нь

- Залезовын зэдгэлж ургамлын газрын дээрхи хэсэг болох цэцэг, навч,

ишийг хатаах,

- хатсан газрын дээрхи хэсгийг жижиглэн хэрчиж, хандлагч уусмалаар

хандалж шингэн ханд бэлтгэх,

- хандыг цаасан шүүлтүүрээр шүүж, уг шүүсэн шингэн хандыг вакуум

ууршуулагчаар нэрж хуурайшуулсан ханд гарган авах,

- хуурайшуулсан хандыг 0.01-20 % хүртэл концентрацтай байхаар

этанолын уусмалтай хольж найруулан бактерийн эсрэг бэлдмэлийг

бэлтгэх үе шатууудаас бүрдэнэ.

2. Аргын томъёоллын 1 дүгээрийн ялгаа нь бактерийн эсрэг бэлдмэлд дээрхи

хуурайшуулсан ханд болон бусад бүрэлдэхүүнд нөлөөлдөггүй үнэр

оруулагч, хадгалах хугацааг уртасгагч, хөгц, мөөгөнцрөөс хамгаалагч,

исэлдэлтээс хамгаалагч болон чийг тохируулагчаас сонгогдсон 1 эсвэл 1-ээс

дээш нэмэлт хийх үе шаттай байна.

3. Аргын томъёоллын 1 эсвэл 2 дугаарын ялгаа нь бактерийн эсрэг бэлдмэлд

грам сөрөг бактерийн идэвхийг дарангуйлах эсвэл устгах үйлдэлтэй хлорт

хөнгөн цагааныг 1-10 % байхаар нэмэлт хийх үе шаттай байна.

4. Аргын томъёоллын 1 дүгээрийн ялгаа нь бактерийн эсрэг бэлдмэлд

чийгшүүлэх үйлдэл бүхий пропиленгликолийг 1-20 % байхаар нэмж хийх үе

шаттай байна.

5. Залезовын зэдгэлж ургамлыг ашигласан бактерийн эсрэг бэлдмэлийн ялгаа

нь Залезовын зэдгэлж ургамлын газрын дээрхи хэсэг болох цэцэг, навч,

ишийн хуурайшуулсан ханд, уг хуурайшуулсан хандыг 0.01-20% хүртэл

концентрацтай байхаар этанолын уусмалтай хольсон болно.

6. Бэлдмэлийн томъёоллын 5 дугаарын ялгаа нь бактерийн эсрэг бэлдмэл нь

дээрхи хуурайшуулсан ханд болон дээрхи бусад бүрэлдэхүүнд нөлөөлдөггүй

үнэр оруулагч, хадгалах хугацааг уртасгагч, хөгц, мөөгөнцрөөс хамгаалагч,

исэлдэлтээс хамгаалагч болон чийг тохируулагчаас сонгогдсон 1 эсвэл 1-ээс

дээш нэмэлттэй байна.

7. Бэлдмэлийн томъёоллын 6 дугаарын ялгаа нь бактерийн эсрэг бэлдмэл нь

грам сөрөг бактерийн идэвхийг дарангуйлах эсхүл устгах үйлдэлтэй хлорт

хөнгөн цагааныг 1-10 % агуулна.

8. Бэлдмэлийн томъёоллын 5 дугаарын ялгаа нь уг бактерийн эсрэг бэлдмэл

нь чийгшүүлэх үйлдэл бүхий пропиленгликолийг 1-20 % агуулна.