Ноолуур, ноолууран бүтээгдэхүүний гадаргыг титаны давхар ислээр бүрэх арга нь
шинэ бүтээлийн мөн чанар нь юм. Титаны давхар ислийн уусмалаар ноолуур,
ноолууран бүтээгдэхүүний гадаргыг даралттай шүршүүрээр шүршиж, уг ноолуур,
ноолууран бүтээгдэхүүний ширхэгтэд титаны давхар ислийн нимгэн үе суулгана.
Ингэж титаны давхар ислээр бүрсэн ноолуур, ноолууран бүтээгдэхүүн нь
ноолуурын эвгүй үнэр дарах, уг ноолуурт наалдсан хорт хий, хортой химийн
нэгдлийг задлах, вирус, нян устгах үйлчилгээтэй.

1. Ноолуур эсвэл ноолууран бүтээгдэхүуний гадаргыг титаны давхар ислээр

бүрэх аргын ялгаа нь ноолуурын эвгүй үнэр дарах, ноолуурт наалдсан хорт

хий, хортой химийн нэгдлийг задлах, вирус, нян устгах зорилгоор титаны

давхар ислийн жингийн 0.70-0.85% бүхий уусмалаар ноолуур эсвэл

ноолууран бүтээгдэхүүний гадаргыг 2.5 Па болон түүнээс дээш даралттай

шүршүүрээр нэгж талбайд 20 г/м2 –аас дээш хэмжээгээр шүршиж халуун

агаараар хатаан гадаргад титаны давхар ислийн нано-нимгэн үе суулгана.

2. Аргын томъёолол 1 дүгээрийн ялгаа нь ноолуур нь ямааны ноолуур байх ба

уг уусмалаар талбайд 30 г/м2 –аас дээш хэмжээгээр шүршиж, хатаагаад

ширхэгтэд титаны давхар ислийн нимгэн үе суулгана.

3. Аргын томъёоллын 1 дүгээрийн ялгаа нь ноолуур нь торомны ноолуур байж

болох ба уг уусмалаар 30 г/м2 –аас дээш хэмжээгээр шүршинэ.

4. Аргын томъёоллын 1-2 дугаарын ялгаа нь ямааны ноолуурыг уг уусмалаар

55 г/м2 –аас дээш хэмжээгээр шүршиж болно.

5. Ноолуур эсвэл ноолууран бүтээгдэхүүний ялгаа нь гадаргууг нь жингийн

0.70-0.85% титаны давхар исэл бүхий уусмалаар нэгж талбайд 20 г/м2 -аас

дээш хэмжээгээр шүршиж титаны давхар ислийн нано-нимгэн үеэр бүрхсэн

ноолуур эсвэл ноолууран бүтээгдэхүүн байна.

6. Бүтээгдэхүүний томъёоллын 5 дугаарын ялгаа нь ноолуур эсвэл ноолууран

бүтээгдэхүүн ноолуур нь ямааны эсвэл торомны ноолуур байна.