Товч тайлбар :

Тус шийдэл нь хөдөлгөөнгүй давхаргат реактор ашиглан нүүрснээс нийлэг хий гаргах арга болно. Реакторт нүүрсийг хөдөлгөөнгүй байрлуулан агаар нэвтрэхгүй инертийн орчин үүсгэнэ. Инерт хийг нэвтрүүлэнгээ реакторыг нүүрсний хийжүүлэлтийн температур хүртэл халааж, пиролизийн урвал явуулж, нүүрснээс дэгдэмхий бодисыг ялгаруулна. Дараа нь усны уур бүхий инерт хийгээр пиролизийн шатны хатуу үлдэгдлийг үлээлгэн хийжүүлэлт хийж нийлэг хий гаргана. Гарсан хийн бүтээгдэхүүнээс давирхай ба усны уурыг шүүн салгаж, хуурай нийлэг хий гаргаж авна. Хийжүүлэх шат нь нүүрсний хагас исэлдэх урвал, нүүрстөрөгчийн дан ислийн бүрэн исэлдэх урвал, устөрөгчийн исэлдэх урвал, Будуарын урвал, усан хийн урвал, метанжих урвал, ус-хийн шилжилтийн урвалуудыг явуулна. Хийжүүлэлтийн хэм нь 700- 1300°С байна.

Томъёолол:

1. Хөдөлгөөнгүй давхаргат реактор ашиглан нүүрснээс нийлэг хий гаргах аргын ялгаа нь арга нь

a) реактор дотор нүүрсийг хийж байрлуулан, агаар нэвтрэхгүй инертийн орчин үүсгэхийн тулд инертэн зөөгч хийг реакторт нэвтрүүлэх бэлтгэл шат;

б) инерт хийг нэвтрүүлэнгээ уг реакторыг нүүрсний хийжүүлэлтийн хэм хүртэл халааж уг реактор дахь нүүрснээс дэгдэмхий бодисыг ялгаруулан гаргах пиролизийн шат;

в)инерт хийн урсгалыг уурын генератор дундуур нэвтрүүлж усны уур бүхий инерт хий болгоод, уг усны уур бүхий инерт хийгээр дээрх пиролизийн шатны хатуу үлдэгдлийг үлээлгзн хийжүүлэлт хийж нийлэг хий гаргах хийжүүлэх шат;

г) дээрх хийжүүлэх шатнаас гарсан хийн бүтээгдэхүүн болох давирхай, усны уур болон нийлэг хийнээс бүрдсэн хийг хөргөн, давирхай ба усны уурыг шүүн салгах давирхай шүүх шат;

д) давирхай шүүх шатнаас гарсан бүтээгдэхүүний чийгийг хатааж хуурай нийлэг хий гарган хатаах үе шатуудаас бүрдэнэ.

2. Аргын томъёоллын 1 дүгээрийн ялгаа нь хийжүүлэх шат нь нүүрсний хагас исэлдэх урвал, нүүрстөрөгчийн дан ислийн бүрэн исэлдэх урвал, устөрөгчийн исэлдэх урвал, Будуарын урвал, усан хийн урвал, метанжих урвал, ус-хийн шилжилтийн урвалаас бүрдэнэ.

3. Аргын томъёоллын 1 эсвэл 2 дугаарын ялгаа нь дээрх хийжүүлэлтийн хэм нь 700°С - 1300°С байна.

4. Аргын томъёоллын 1 эсвэл 2 дугаарын ялгаа нь хийжүүлэх шат дууссаны дараа, инерт хийг тодорхой хугацаанд нэвтрүүлээд, реакторыг хөргөн, хийжүүлэлтийн хатуу үлдэгдлийг хөргөж гаргах үе шаттай байна.