Шинэ бүтээл нь физикийн салбарт хамаарч, оптикийн салбарт ашиглагдана.
Шинэ бүтээлийн шийдлээр, тусгай зориулалтын нүдний шилгүйгээр 3D дүрсийг хардаг 3D дэлгэцийн нэг төрөл цэгэн гэрлийн үүсгэгчтэй нийлмэл 3D дэлгэцийн харагдах өнцгийг ихэсгэх аргыг тодорхойлсон.
Тус шийдлийн хувьд оптик системгүй хялбар болгох зорилгоор нийлмэл 3D дэлгэцэд гэрэл үүсгэгч 1а болон 1с-ийг нэмж байрлуулан харагдах өнцгийг ихэсгэсэн. Нийлмэл зураг буюу 3D биетийн хоѐр хэмжээст буулгалтын зурагт ямар нэг өөрчлөлт орохгүйгээр онцлог болно. Гэрэл үүсгэгч 1а, 1Ь, 1 с-ээс цацрах цацрагууд цуглуулагч линз 2-ийн төвийг дайран цааш параллель чиглэлээр тархан линз матриц 3-д тусахаар зохиомжилсон.
1. Гэрэл үүсгэгч, цуглуулагч линз, элементар линзүүдээс бүрдэх линз матриц, хоѐр хэмжээст тунгалаг дэлгэцээс бүрдсэн цэгэн гэрлийн үүсгэгчтэй нийлмэл гурван хэмжээст дэлгэцийн харагдах өнцгийг ихэсгэх аргын ялгаа нь:
дээрх гэрэл үүсгэгчтэй зэрэгцүүлэн нэмэлт гэрэл үүсгэгчийг цуглуулагч линзийн ард байрлуулах ба, энд
уг гэрэл үүсгэгч болон нэмэлт гэрэл үүсгэгчээс цацарсан цацрагууд цуглуулагч линзээр нэвтрэн параллель цацраг болон линз матрицад нэвтрэн, уг элементар линз бүрийн ард цуглаж гэрэл үүсгэгч болно.
2. Томъѐоллын 1 дүгээрийн ялгаа нь гэрэл үүсгэгч болон нэмэлт гэрэл үүсгэгч нь цуглуулагч линзээс фокусын зайтай газарт, уг цуглуулагч линзтэй параллель хавтгайд байрлах бөгөөд, гэрэл үүсгэгч нь цуглуулагч линзийн фокусын цэг дээр, нэмэлт гэрэл үүсгэгч нь уг гэрэл үүсгэгчээс адилхан зайтай байрлана.
3. Томъѐоллын 2 дугаарын ялгаа нь нэмэлт гэрэл үүсгэгч болон гэрэл үүсгэгч дээр нэмэлт гэрэл үүсгэгчийг адилхан зайтайгаар дахин нэмж байрлуулснаар дэлгэцийн харагдах өнцгийг ихэсгэнэ.
4. Томъѐоллын 3 дугаарын ялгаа нь нэмэлт гэрэл үүсгэгч болон гэрэл үүсгэгчийн хоорондын зай нь элементар линзийн хэмжээтэй адилхан эсвэл уг элементар линзийн хэмжээнээс бүхэл тоо дахин их байна.
5. Томъѐоллын 4 дүгээрийн ялгаа нь харагдах өнцгийг 3 дахин ихэсгэж байгаа тунгалаг дэлгэцийг уг линз матрицаас 4/73 хэмжээтэй зайд байрлуулна.