Товч тайлбар :

Шинэ бүтээл нь физикийн салбарт хамаарч, орчны соронзон оронг хэмжих соронзон орон хэмжигч төхөөрөмж үйлдвэрлэлийн салбарт ашиглагдана. Тус төхөөрөмж нь 2-15 Тл хүртэл индукцтэй соронзон оронг мэдрэн, түүнд харгалзах цахилгаан гүйдэл гаргах холлын хагас дэмжуулагч элементээс бүрдэнэ. Тус холлын хагас дамжуулагч элементээр хэмжсэн үр дүнг амперметерээс бүрдсэн хэмжигч хэсгээр бүртгэн үзүүлнэ. Төхөөрөмж нь хувьсах гүйдлийн цахилгаан шугам, эсвэл цэнэг хураагуураас /батерей/ тэжээл авна. Цэнэг хураагуур нь шулуутгагчаас тэжээл авч цэнэглэгдэхээр зохиомжлогдсон.

Томъёолол :

1. Соронзон орон хэмжигч төхөөрөмжийн ялгаа нь: 2-15 Тл хүртэл индукцтэй соронзон оронг мэдрэн, түүнд харгалзах цахилгаан гүйдэл гаргах холлын хагас дэмжуулагч элементээс тогтох хэмжих хэсэг ба, тус холлын хагас дамжуулагч элементээс гарсан цахилгаан гүйлдийг хэмжин заах амперметерээс тогтсон хэмжигч хэсгийг тус тус багтаасан.

2. Томъёоллын 1 дүгээрийн, соронзон орон хэмжигч төхөөрөмжийн ялгаа нь: тус холлын элемент болон амперметер нь тэжээлийн хэсэгтэй: тэжээлийн хэсгийн нэмэх туйл, эсэргүүцэл (R3,R4), холлын элемент, амперметер, тэжээлийн хэсгийн хасах туйл гэсэн цуваа холбоогоор холбогдсон битүү хэлхээ үүсгэж холбогдсон.

3. Томъёоллын 1 эсвэл 2 дугаарын, соронзон орон хэмжигч төхөөрөмжийн ялгаа нь: тэжээлийн хэсэг нь хувьсах гүйдлийн цахилгаан шугамд холбогдох ба, энд хувьсах гүйдлийн цахилгаан шугамын гүйдлийг тогтмол гүйдэл болгон шулуутгаж, соронзон орон хэмжигчид тэжээл болгон өгөх шулуутгагч болон шулуутгагч залгагдсан үед гэрэлтэх бөгөөд тус шулуутгагчид зэрэгцээ холболт үүсгэн холбогдсон 1-р гэрлэн диодтой байна.

4. Томъёоллын 3 дугаарын соронзон орон хэмжигчийн ялгаа нь: тэжээлийн хэсэг нь:

тогтмол гүйдлийн цэнэг хураагуур /батарей/ залгагдсан үед гэрэлтэх ба, цэнэг хураагуурт зэрэгцээ холболт үүсгэн холбогдсон 2-р гэрлэн диодтой, диод болон соронзон орон хэмжигч төхөөрөмжийг цэнэг хураагуургаас салган, шулуутгагчид цэнэг хураагуурыг холбох эсвэл соронзон орон хэмжигчийг цэнэг хураагуурт холбон, шулуутгагчийг тус цэнэг хураагуургаас салгах үүрэг бүхий түлхүүртэй байх ба, цэнэг хураагуурын гүйдлийг соронзон орон хэмжигч төхөөрөмжид тэжээл болгон өгөх ба, цэнэг хураагуурыг шулуутгагчид залган цэнэглэхээр зохиомжилсон.