Товч тайлбар :

Шинэ бүтээл нь химийн салбарт хамаарч, эмийн болон хүнсний үйлдвэрлэлд ашиглагдана.

Шинэ бүтээлээр айрганд өөрт нь агуулагдаж буй цусны даралт бууруулах идэвхит пептидийг ялган авч, ангиотензин хувиргагч энзимийг дарангуйлах үйлчилгээг баталсан болно. Тус пептидийг айраг зэрэг сүүн бүтээгдэхүүнээс ялган авч, эсвэл синтезлэн, хүнсний бүтээгдэхүүн, хүнсний нэмэлт бүтээгдэхүүн, ундаа, зүрх судасны өвчний зориулалттай эсвэл сэргийлэх зориулалттай биологийн идэвхт хүнс үйлдвэрлэхэд хэрэглэх нэгдэлд ашиглана.

Томъёолол :

1. Ангиотензин хувиргагч энзимийг саатуулагч үйлчилгээтэй пептид, түүнийг ялгах болон хэрэглэх аргын ялгаа нь Val-His-Asn-Pro-Val-Ile-Val эсвэл Asn-Ser-Ser-Pro-Arg- Tyr-Glu-Pro-Ile-Tyr-Tyr-Gln-His-Arg-Leu эсвэл Phe-Lys-His-Glu-Gly-Gln-Gln-Arg-Glu-Pro-Val-Val-Pro-Tyr-Pro-Gln-Arg гэсэн дараалал бүхий пептид байна.

2. Пептидийн томъёолол 1 дүгээрийн ялгаа нь уг пептид нь сүүн бүтээгдэхүүнээс ялган авсан байна.

3. Пептидийн томъёоллын 1 эсвэл 2 дугаарын ялгаа нь уг пептид нь ангиотензин хувиргагч энзимийг дарангуйлах үйлчилгээтэй байна.

4. Пептидийн томъёоллын 3 дугаарын ялгаа нь уг пептид нь зүрх судасны өвчинг бууруулах үйлчилгээтэй болно.

5. Пептидийг ялгах аргын ялгаа нь томъёолол 1-4 дүгээрийн аль нэгэнд дурьдсан пептидийг ялгахдаа айрагнаас казейныг нь ялган зайлуулаад, казейныг нь ялгасан уг айрагны үлдэгдлийг хатааж, уг хатаасан үлдэгдлээс бага молекулт нэгдлийг ялгаж зайлуулаад пептидийн фракцийг ялган авч, уг пептидийн фракцийг фракци тус бүрээр ялган уг пептидийг ялгана.

6. Пептидийн томъёоллын 2 дугаарын ялгаа нь уг сүүн бүтээгдэхүүн нь гүүний сүүг исгэж хийсэн айраг байна.

7. Пептидийг хэрэглэх аргын ялгаа нь томъёоллын 1-5 дугаарын аль нэгэнд дурьдсан пептидийг хүнсний бүтээгдэхүүн, хүнсний нэмэлт бүтээгдэхүүн, ундаа, зүрх судасны өвчний зориулалттай биологийн идэвхит хүнс үйлдвэрлэхэд хэрэглэнэ.