Шинэ бүтээл нь химийн салбарт хамаарч, хүнсний болон эмийн үйлдвэрлэлд ашиглагдана.

Шинэ бүтээлийн зорилго нь сүүг боловсруулахад гардаг дайвар бүтээгдэхүүн болох шар сүүнээс лактоз ялгах, түүнийг лактулозд хувиргах арга, уг аргаар ялгасан лактоз болон лактулозыг ашигласан хүнсний бүтээгдэхүүн, эмийг гарган авахад оршино.

Тус шийдэл нь шар сүүнээс уургийг салган, үлдэгдлээс нь лактозыг талсжуулан ялгаж, уг лактозыг катализатор ашиглан 80 хэмээс дээш дулаанд буцалгах замаар изомержүүлэх урвалаар лактулозд хувиргана. Уг лактозыг талсжуулан ялгахдаа аммонын сульфатын тусламжтайгаар уургаас нь салгана. Тус шийдэл нь үйлдвэрийн хаягдал болж байгаа шар сүүг зохистой ашиглах боломжтой болгосон. Тус шийдлээр гарган авсан лактоз болон лактулозыг экологийн цэвэр хүнсний бүтээгдэхүүн, хүн амын эрүүл хоол хүнс, зохицуулах үйлчилгээтэй хүнс, эмэнд сахар орлогч, барьцалдуулагч, холбогч болгон хэрэглэнэ. 

1. Шар сүүнээс лактоз ялгах арга, лактозыг лактулозд хувиргах арга болон тэдгээрийн хэрэглээний ялгаа нь шар сүүнээс уургийг салган, үлдэгдлээс нь лактозыг талсжуулан ялгах шат, уг лактозыг катализатор ашиглан 80°C хэмээс дээш дулаанд буцалгах замаар изомержүүлэх урвалаар лактулозд хувиргах шаттай болно.

2. Аргын томъёоллын 1 дүгээрийн ялгаа нь уг лактозыг уургаас салгахдаа аммонын сульфат, микро шүүлтүүр, ультра шүүлтүүр, гель болон ион солилцооны хроматографийн арга, халаах аргуудын аль нэгийг ашиглана.

3. Аргын томъёоллын 1 дүгээрийн ялгаа нь уг лактозыг ялгахдаа этилийнспиртээр дахин талстжуулах аргыг ашиглана.

4. Аргын томъёоллын 1-3 дугаарын аль нэгний ялгаа нь уг катализаторт өндөгний хальс, шохойн чулуу, хүнсний сода болон калийн гидрофосфатын группээс сонгогдох нэг катализатор байна.

5. Аргын томъёоллын 4 дүгээрийн ялгаа нь рефлакс явуулах хугацаа нь 120 минутаас дээш 180 минут хүртэл байна.

6. Аргын томъёоллын 5 дугаарын ялгаа нь рефлакс явуулах хугацаа нь 160 минутаас дээш 180 минут хүртэл байна.

7. Томъёолол 1-5 дугаарын аль нэгний лактозын хэрэглээний ялгаа нь уг лактозыг ашигласан хүнсний бүтээгдэхүүн байна.

8. Томъёоллын 1-5 дугаарын аль нэгний лактулозын хэрэглээний ялгаа нь уг лактулозыг ашигласан пребиотик үйлчилгээтэй хүнсний бүтээгдэхүүн байна.

9. Томъёоллын 1-5 дугаарын аль нэгний ялгаа нь уг лактулозыг ашигласан функциональ хүнсний нэмэлт бүтээгдэхүүн байна.

10. Томъёоллын 1-5 дугаарын аль нэгний ялгаа нь уг лактоз эсвэл лактулозыг жингийн 30% хүртэл хэмжээгээр нэмэлт болгон хэрэглэсэн гурилан бүтээгдэхүүн байна.

11. Томъёоллын 1-5 дугаарын аль нэгний лактоз эсвэл лактулозын хэрэглээний ялгаа нь уг лактоз эсвэл лактулозыг жингийн 30% хүртэл хэмжээгээр нэмэлт болгон хэрэглэж, өтгөрүүлэх, бусад амт үнэр оруулагч нэмэлтүүдийн холбогч болгох үүрэгтэйгээр ашигласан сүүн бүтээгдэхүүн байна.

12. Томъёоллын 1-5 дугаарын аль нэгний лактозын хэрэглээний ялгаа нь уг лактозыг 2-3%-иар нэмсэн хүүхдийн нэмэлт тэжээл байна.

13. Томъёоллын 1-5 дугаарын аль нэгний лактоз эсвэл лактулозын хэрэглээний ялгаа нь уг лактоз эсвэл лактулозыг усгүйжүүлж шахмал эсвэл капсул эмийн холбогч/дүүргэгч бодис болгон ашигласан эмийн бүтээгдэхүүн байна.

14. Томъёолол 1-5 дугаарын аль нэгний лактоз эсвэл лактулозын хэрэглээний ялгаа нь уг лактоз эсвэл лактулозыг 20 хувь хүртэл агуулсан Макконкийн агар байна.