ТОВЧ ТАЙЛБАР
Тус шинэ бүтээлийн зорилго нь занарын дулааны задралын процессыг явууулах тохиромжтой төхөөрөмжийг зохион бүтээж, уг төхөөрөмжөөрөө занараас шингэн түлш (занарын давирхай)-ний шатахууныг гарган авахад оршино. Тус шинэ бүтээлийн занарын дулаан задралын судалгааны төхөөрөмж нь дотроо нунтаг занарыг агуулж, цельсийн 300-700 хэмийн инертийн хийн орчинд пиролизийн урвал явуулах зориулалт бүхий бөгөөд инертийн хийг оруулах 1-р хоолой болон уг пиролизийн үр дүнд гарах хий болон уг инертийн хийг гаргах зориулалттай 2-р хоолой бүхий дээж агуулагч сав; дээж агуулагч савыг дотроо байрлуулан халаах зориулалттай реактор; реакторыг цельсийн 700 хэм болон түүнээс дээш температур хүртэл халаах зориулалттай халаагч бүхий зуух; 2-р хоолойтой холбогдон уг пиролизийн үр дүнд гарсан хийг хөргөн давирхайг барих зориулалттай шингэн баригчаас бүрдэнэ. Мөн шингэн баригчаас гарсан хийг хөргөн хийн бүтээгдэхүүн гаргаж авах зориулалттай хөргөгчтэй байна
ТОМЪЁОЛОЛ
1. Занарын дулаан задралын судалгааны төхөөрөмжийн ялгаа нь төхөөрөмж нь
- дотроо нунтаг занарыг агуулж, цельсийн 300-700 хэмийн температурт инертийн хийн орчинд пиролизийн урвал явуулах зориулалт бүхий бөгөөд инертийн хийг оруулах 1-р хоолой,
- пиролизийн үр дүнд гарах хий болон уг инертийн хийг гаргах зориулалттай 2-р хоолой бүхий ган реактор,
- дээжийг дотроо агуулах зориулалт бүхий хөнгөн цагаан бортого,
- реакторыг цельсийн 300-700 хэм хүртэл халаах зориулалттай зуух,
- 2-р хоолойтой холбогдон пиролизийн үр дүнд гарсан хийг хөргөн давирхайг барих зориулалттай шингэн баригч ба хөргөгчөөс бүрдэнэ.
2. Төхөөрөмжийн томъёоллын 1 дүгээрийн ялгаа нь реактор дотор пиролизын дээжийг хийх хөнгөн цагаан бортого байрлах ба уг бортого нь реакторт дээжийг оруулах, гаргах үйлдлийг хялбаршуулах, реакторын хананд дээж хайлж наалдаж үлдэхээс сэргийлэх зорилготой реактороос саланги байна.
3. Төхөөрөмжийн томъёоллын 1 эсвэл 2 дугаарын ялгаа нь төхөөрөмж нь хоёр дулаан хэмжигчтэй ба реактор доторх дулааныг хэмжих зориулалттай 1-р дулаан хэмжигч, уг дээж агуулагч хөнгөн цагаан сав доторх дулааныг хэмжих зориулалттай 2-р дулаан хэмжигч болон тэдгээрийн бодит утгыг тооцоолон реакторын халалтыг хянах удирдлагын хэрэгсэлтэй байна.
4. Төхөөрөмжийн томъёоллын 1 эсвэл 2 дугаарын ялгаа нь төхөөрөмж нь реакторын 2-р хоолойноос гарах пиролизын давирхайг хийнээс салгах зориулалт бүхий шингэн баригчид конденсацлагдаж амжаагүй давирхайг барих хөргөгчийг байрлуулсан давхар хөргөлтийн системтэй байна.
5. Төхөөрөмжийн томъёоллын 1 эсвэл 2 дугаарын ялгаа нь төхөөрөмжид инерт хийг оруулах хоолой дээр орж байгаа азотын хийг хэмжих 1-р хийн урсгал хэмжигч, хөргөгчийн гаралт дээр орсон азотын хий болон пиролизын бүтээгдхүүн хийн нийлбэрийг хэмжих 2-р хийн урсгал хэмжигчтэй байна.