ТОВЧ ТАЙЛБАР

Шийдлийн зорилго нь уул уурхайн үйлдвэрийн хаягдал болон гарч байгаа дайвар бүтээгдэхүүн, материалыг ашигласан барилгын өнгөлгөөний хуурай хольц гарган авна. Үйлдвэрийн хаягдал шороог баяжуулж авсан хуурай элсийг портландцемент, цагаан цемент, гөлтгөнө зэрэг барьцалдуулагч, өнгө үүсгэгч нэмэлт, өнгө тогтворжуулагч нэмэлттэй холин барилгын материалын өнгөлгөөний хуурай хольц гаргана. Баяжуулах уурхайн хаягдал шороог шигшүүр(0.14 мм) дээр хийн усаар зайлан, хатааж угаасан цэвэр элс гаргаж авна. Угаасан цэвэр элсийг хатаагуурт 0,5% хүртэл чийгтэй болтол хатаана. Хатсан элсийг зууруул(8)-д тодорхой жингээр тугнан ачаалж, барьцалдуулагч, өнгө үүсгэгч нэмэлт, өнгө тогтворжуулагч нэмэлттэй холин нэг жигд холимог болтол зуурна. Холимогийг тодорхой хэмжээ эсвэл жингээр тугнан гаргаж бүтээгдэхүүн бэлэн болно.

ТОМЪЁОЛОЛ

1. Барилгын өнгөлгөөний хуурай хольцын ялгаа нь баяжуулах үйлдвэрийн хаягдал цагаан шороог угааж, шигшин гарган авсан 0.14 мм-ээс том ширхэгтэй элсийг барьцалдуулагч портланд цементтэй 1:1-ээс 3:1 харьцаатай байхаар хольж, дээр нь өнгө үүсгэгч нэмэлтийг жингийн 5-20 % байхаар нэмнэ. 

2. Барилгын өнгөлгөөний хуурай хольцын ялгаа нь баяжуулах үйлдвэрийн хаягдал цагаан шороог угааж, шигшин гарган авсан 0.14 мм-ээс том ширхэгтэй элсийг барьцалдуулагч цагаан цементтэй 1:1-ээс 2:1 харьцаатай байхаар хольж, дээр нь өнгө үүсгэгч нэмэлтийг жингийн 3-5 % байхаар нэмнэ. 

3. Барилгын өнгөлгөөний хуурай хольцын ялгаа нь баяжуулах үйлдвэрийн хаягдал цагаан шороог угааж, шигшин гарган авсан 0.14 мм-ээс том ширхэгтэй элсийг барьцалдуулагч гөлтгөнөтэй 1:1-ээс 3:1 харьцаатай байхаар хольж, дээр нь өнгө үүсгэгч нэмэлтийг жингийн 5-10 % байхаар нэмнэ. 

4. Барилгын өнгөлгөөний хуурай хольцын томъёоллын 1-3 дугаарын ялгаа нь    хуурай хольцын найрлагад өнгө тогтворжуулагч нэмэлттэй байна.

5. Барилгын өнгөлгөөний хуурай хольцын томъёоллын 4 дүгээрийн ялгаа нь      өнгө тогтворжуулагч нэмэлт нь өнгө үүсгэгч нэмэлтийн жингийн 5% хүртэл хэмжээтэй байна.