ТОВЧ ТАЙЛБАР

Шийдлийн зорилго нь баяжуулах үйлдвэрийн хаягдлаар өнгөлгөөний керамик тоосго, ердийн тоосго, гулдмай гарган авахад оршино. Баяжуулах үйлдвэрийн хаягдал шороог баяжуулан, түүнээс 140 мкм-ээс бага хэсгийг усанд угаах эсвэл шигшиж тунгаан гарган авсан тунасан шавар, уян налархайжуулах нэмэлт болох улаан шавар болон усыг, тодорхой жороор холин холио бэлдэж, уг холиог хэвэнд цутган эсвэл уг хэвэнд оруулсныг зүсэн тодорхой хэмжээтэй бэлцэц болгоно. Уг бэлдэцийг хатаагаад, цельсийн 900-аас 1100 хэмд 48 цаг хүртэл шатаана. Уг бэлдэцийн найрлагад улаан шавар 10%-аас 30% хүртэл байна. Энэ аргаар үйлдвэрлэсэн керамик тоосго, ердийн тоосго, гулдмай нь тоосгоны стандартын 250, 200, 150, 100, 75 маркийн техникийн шаардлагыг хангасан болно. Сонгосон зураг: Зураг 13

ТОМЪЁОЛОЛ

1. Өнгөлгөөний тоосгоны  ялгаа нь баяжуулах үйлдвэрийн хаягдал цагаан шороог баяжуулснаас тунан үлдсэн ширхэг нь 140 мкм-ээс бага хэмжээтэй шаврыг уян налархай шинж чанартай уян  налархайн тоо 4-15 байх нэмэлт шавартай жингийн 9:1-ээс 7:3 харьцаатайгаар хольсон байна.

2. Өнгөлгөөний тоосгоны томъёоллын 1 дүгээрийн ялгаа нь  шаврыг  нэмэлт шавартай холих тохиромжтой харьцаа нь жингийн 8.5:1.5-аас 8:2  байна.