Тус шийдлийн зорилго нь овор ихтэй эрэг шургийг тайлж чангалахад хүний хөдөлмөр, ажилбарыг хөнгөвчилсөн механик түлхүүрийг зохион бүтээхэд оршино.

Тус шийдлийн механик түлхүүр (1) нь хоёр шатлалтай редукторын зарчмаар ажилллана. Механик түлхүүр (1) нь хүн барьж эргүүлэх зориулалтай бариул (11); араатай хөтлөгч гол (2); араатай дунд гол (4); араатай хөтлөгч гол (2) болон араатай дунд гол (4) хоёрын дунд байрлан, араатай хөтлөгч гол (2)-ын хүчийг араатай дунд гол (4)-д дамжуулах зориулалтай араат цагираг (3); араатай дунд гол (4)-той арааны зарчмаар холбогдох араат цагаригтай хөтлөгдөгч гол (5); араат цагаригтай хөтлөгдөгч гол (5)-ын толгойд углагдах толгой (14) болон гэр (20)-ээс бүрдэнэ. Араат цагаригтай хөтлөгдөгч гол (5) нь дундуураа шураг чөлөөтэй орж гарч байх зориулалттай нэвт гарсан нүхтэй байна. Мөн ажилбарын үед механик түлхүүр (1)-ийг хөдөлгөөнгүй тулж байх тулгуур (23)-тай байна. Сольдог толгой (14) нь ажилбарын эрэгт таарсан төрөл бүрийн хэмжээ, хэлбэртэй байна.

1. Том овортой механик эд ангийн эрэг шургийг тайлж, чангалах зориулалттай механик түлхүүрийн ялгаа нь хүн барьж эргүүлэх зориулалттай бариул (11); уг бариулыг углан эргүүлэх үзүүр бүхий араатай хөтлөгч гол (2); араатай дунд гол (4); араатай дунд гол (4)-ын гол дээр углагдан байрлаж, уг араатай хөтлөгч гол (2)-ын хүчийг араатай дунд гол (4)-д дамжуулах зориулалттай араат цагариг (3); араатай дунд гол (4)-той арааны зарчмаар холбогдох араа (5в)-тай бөгөөд дундаа нэвт гарсан хөндий нүх (5а) бүхий цилиндр хэлбэртэй хөтлөгдөгч гол (5); хөтлөгдөгч гол(5)-ын үзүүрт нэг талаараа углагдан, нөгөө талаараа ажилбарын эрэгт углагдах зориулалттай бөгөөд уг эрэгнээс илүү гарсан шураг чөлөөтэй орж гарч байх дундуураа нэвт гарсан нүх бүхий толгой (14); араатай хөтлөгч гол (2), араатай дунд гол (4), араат цагираг (3), хөтлөгдөгч гол (5)-ыг дотроо агуулсан гэр (20)-ээс бүрдэх ба гэрийн хөтлөгдөгч гол (5)-ыг суурилуулсан хэсэг нь уг хөндий нүх (5а)-ний үргэлжлэл болж, ажилбарын шураг тус нүхээр нааш цааш чөлөөтэй орж, гарч байх нэвт нүхтэй байна.

2. Механик түлхүүрийн томъёоллын 1 дүгээрийн ялгаа нь механик түлхүүр нь түүнийг хөдөлгөөнгүй тулж байх зориулалттай тулгуур (23) эсвэл шураг (22)- тай байна.

3. Механик түлхүүрийн томъёоллын 1 эсвэл 2 дугаарын ялгаа нь толгой (14) нь хөтлөгдөгч гол (5)-ын үзүүрт углах зориулалттай 1-р углах хэсэг (14а) болон уг эрэгт углах зориулалттай 2-р углах хэсэг (14б)-ээс бүрдэнэ.

4. Механик түлхүүрийн томъёоллын 3 дугаарын ялгаа нь 2-р углах хэсэг (14б) нь дотоод дөрвөн талт эсвэл дотоод зургаан талт нүхтэй болно.