ТОВЧ ТАЙЛБАР

Тус шийдэл нь ганд тэсвэртэй эмзэг түрүүт өлөнгө ургамлын Мандал сортыг тарих арга болно. Тус шийдлийн арга нь хөрсийг боловсруулан талбай бэлдэх шат, талбайг салсан хөрсөнд ургамлын үрийг 1,5-2 см гүнд суулган тариалах шат, тариалах шатны дараа байгалын эсвэл хиймэл аргаар усалгаа хийх шат, бутлалт жигдэрсэн үед мөр хоорондын сийрүүлэгчээр хог ургамлыг устгах шатнаас бүрдэнэ. Үрийг тариалахдаа 1 га талбайд 4-6 кг үрийн нормоор, 1-2 см гүн, эгнээ(мөр) хооронд 30-45 см зайтай байхаар тариална. Тариалахдаа бороо угтуулан 6 дугаар сарын эхнээс эхлэн 10 дугаар сарын сүүл хүртэлх зун, намрын улиралд тариална. Тарьсан жил болон түүний дараа жил мал оруулж идүүлэхгүй хамгаална.

ТОМЪЕОЛОЛ

1. Хөрсийг нь хагалж борнойдон, үрээ тарихын өмнө булдаж тэгшлэх замаар боловсруулан бэлдсэн талбайд бэлчээрийн ургамлын үрийг тарин, тариалсны дараа байгалийн эсвэл хиймэл аргаар усалгаа хийж, бутлалт жигдэрсэн үед мөр хоорондын сийрүүлэгчээр хог ургамлыг устгах шатнаас бүрэлдэх Бэлчээрийн ургамал тариалах аргын ялгаа нь ганд тэсвэртэй бөгөөд усалгаа шаарддаггүй, хавар эрт сэргэн ургаж эхлэн, намар орой хүртэл ногоон байдлаа хадгалдаг бэлчээр, тэжээлийн ургамал ургуулах, үрийг нь авах, уул уурхайн нөхөн сэргээлт хийх зорилгоор Эмзэг түрүүт өлөнгө ypraмал (Psathyrostachys P.juncea)-ын Мандал сортын үрийг талбайн хөрсөнд 6 дугаар сарын эхнээс эхлэн 10 дугаар сарын сүүл хүртэл 1 га талбайд 4-6 кг үрийн нормоор, эгнээ хооронд 30-45 см зайтайгаар 1.5- 2 см гүнд суулган тариална.

2. Аргын томьёоллын 1 дүгээрийн ялгаа нь уг Мандал сортын үрийг тариалснаас хойш 3 дахь жилээс эхлэн 7 дугаар сарын сүүлээс 8 дугаар сарын 10 хүртэл боловсорсон үрийг хураан авна.