ТОВЧ ТАЙЛБАР
Тус шийдлийн зорилго нь ECG-ний бодит хугацааны өгөгдлийг идэвхтэй физик хөдөлгөөнтэй холбон утасгүй технологи ашиглан хэрэглэгчид мэдээлэх, хянах зориулалттай, хэрэглэхэд хялбар Өдөр тутмын эруүл мэндийн төхөөрөмжийг зохиомжлон бүтээх болно. Тус шийдлийн Өдөр тутмын эрүүл мэндийн төхөөрөмж нь хоорондоо утасгүй холбоогоор холбогдох Модуль, бугуйн төхөөрөмж, Хөлний улыг хянах төхөөрөмжөөс бүрэлдэнэ. Модуль нь Контроллёр, ECG хүлээн авагч, 3D хүлээн авагч, санах ой. утасгүй холбоогоор бусад төхөөрөмжтэй холбогдон мэдээлэл дамжуулах зориулалттай холбооны хэсгээс бүрдэнэ. Хөлний улыг хянах төхөөрөмж нь Үндсэн модуль, дулаан мэдрэгч камер, дулаан мэдрүүр, дэлгэц зэргээс бүрэлдэнэ. Бугуйн төхөөрөмж нь утасгүй холбоогоор бусад төхөөрөмжтэй холбогдон ECG болон хөлийн улын дулааны мэдээллийг хүлээн авна.
Томъёолол:
Мэдрүүрүүдээр хүний биеийн өдөр тутмын эрүүл мэнд, хөдөлгөөний төрөл, чихрийн шижингийн үеийн хөлний улны температурын зөрүүг хянах зориулалттай Өдөр тутмын эрүүл мэндийн хяналтын төхөөрөмжийн ялгаа нь өдөр тутмын эрүүл мэндийн хяналтын төхөөрөмж нь бугуйн төхөөрөмж болон хөлний улыг хянах төхөөрөмжөөс бүрдэх бөгөөд бугуйн төхөөрөмж нь
- төхөөрөмжийг удирдан ажиллуулах контроллёр,
- мэдрүүрүүдтэй холбогдон эрүүл мэндийн өгөдлийг цуглуулах ECG хүлээн авагч,
- 3 хэмжээст хөдөлгөөн мэдрүүрийн өгөдлийг хүлээн авах 3D хүлээн авагч,
- ECG хүлээн авагч болон 3D хүлээн авагчийн хүлээн авсан өгөгдөл болон контроллёрын боловсруулсан өгөгдлийг хадгалах зориулалттай бөгөөд салган авч өөр төхөөрөмжид ашиглаж болдог 1-р санах ой,
- утасгүй холбоогоор бусад төхөөрөмжтэй холбогдон мэдээлэл дамжуулах зориулалттай 1-р холбооны хэсгээс бүрдэх модуль,
- төхөөрөмжийг удирдан ажиллуулах микропроцессор,
- утасгүй холбоогоор бусад төхөөрөмжтэй холбогдон мэдээлэл дамжуулах зориулалттай бөгөөд ECG хүлээн авагч болон 3D хүлээн авагчийн хүлээн авсан өгөгдөл болон контроллёрын боловсруулсан өгөгдлийг модулиас хүлээн авах 2-р холбооны хэсэг,
- модулиас хүлээн авсан өгөгдлийг үзүүлэх дэлгэц,
- модулиас хүлээн авсан өгөгдлийг хадгалах зориулалттай бөгөөд салган авч өөр төхөөрөмжид ашиглаж болдог 2-р санах ойгоос бүрдэх ба
хөлний улыг хянах төхөөрөмж нь
- үндсэн контроллёр,
- хөлний улны зургийг хэт улаан туяа ашиглан авах зориулалтай дулаан мэдрэгч камер,
- хөлний улны орчны температурыг хэмжих зориулалттай дулаан мэдрүүр,
- дулаан мэдрэгч камер болон дулаан мэдрүүрээс авсан өгөгдөл ашиглан уг үндсэн контроллёроор хөлний улны хэсгүүдийн дулааныг боловсруулан гаргасан мэдээллийг үзүүлэх дэлгэц,
- боловсруулсан мэдээллийг уг бугуйн төхөөрөмж рүү дамжуулах 3-р холбооны хэсгээс бүрдэнэ.