Товч тайлбар
Үр тариа болон бусад ургамлын үрийн хуурайшилт, давсжилт тэсвэрлэлтийг тодорхойлон Хуурайшилт, давсжилтад тэсвэртэй ургамлын үрийн сонголт хийх арга гаргах зорилготой. Ургамлын үрд полиэтиленгликоль (ПЭГ) уусмалаар хуурайшилтын нөхцөлийг, NaCI давсны үйлчлэлээр давсжилтын нөхцөлийг тус бүр зохиомлоор үүсгэж; хуурайшилт ба давсжилтын нөхцөлийг зохиомлоор үүсгэсэн болон үүсгээгүй ургамлын үрүүдэд агуулагдах бага молекулт нэгдлүүдийн агууламж болон антиоксидант ферментүүдийн идэвхийг тодорхойлон гаргаж, хооронд нь харьцуулна. Энэхүү харьцуулалтаар бага молекулт нэгдлүүдийн агууламж өндөртэй бөгөөд ферментийн идэвх багатайг нь хуурайшилт, давсжилтад тэсвэртэй ургамлын үр болгон сонгоно.
ТОМЬЁОЛОЛ
1.Хуурайшилт, давсжилтад тэсвэртэй ургамлын үрийн сонголт хийх аргын ялгаа нь ургамлын үрд полиэтиленгликоль (ПЭГ) уусмалаар хуурайшилтын нөхцөлийг, NaCI давсны үйлчлэлээр давсжилтын нөхцөлийг тус бүр зохиомлоор үүсгэх;
уг хуурайшилт ба давсжилтын нөхцөлийг зохиомлоор үүсгэсэн болон үүсгээгүй ургамлын үрүүдэд агуулагдах бага молекулт нэгдлүүдийн агууламж болон антиоксидант ферментүүдийн идэвхийг тодорхойлон гаргаж, хооронд нь харьцуулах;
энэхүү харьцуулалтаар бага молекулт нэгдлүүдийн агууламж өндөртэй бөгөөд ферментийн идэвх багатайг нь хуурайшилт, давсжилтад тэсвэртэй ургамлын үр болгон сонгоно.
2. Аргын томьёоллын 1 дүгээрийн ялгаа нь уг бага молекулт нэгдлүүд нь витамин С, пролин болон малондиальдегид, уг антиоксидант ферментүүд нь каталаза, пероксидаза, полифенолоксидаза болон супероксиддисмутаза болно.
3. Аргын томьёоллын 1 эсвэл 2 дугаарын ялгаа нь уг ургамал нь үр тариа болно.