Товч тайлбар
Тус шийдлийн зорилго нь цайр-нүүрстөрөгчийн батарейн хаягдлыг ашиглан ердийн нөхцөлд зэсийн баяжмалыг хүхрийн хүчлээр уусган зэсийн баяжмалыг боловсруулах арга гаргахад оршино.
Тус шийдлийн Цайр-нүүрстөрөгчийн ашигласан батарейн хаягдлыг хэрэглэн зэсийн баяжмалыг боловсруулах арга нь зэсийн баяжмалыг хүхрийн хүчлийн орчинд уусгахдаа, батарей цэнэгээ алдах урвалын бүтээгдэхүүн манган (III)-ы оксидыг хүчлээр боловсруулахад үүссэн манган (IV)-ы оксид болон катод болгон хэрэглэсэн бал чулууг(графитийг) ашиглана. Уг арга нь Цайр-нүүрстөрөгчийн ашигласан батарейн электрод, электролитийн үлдэгдэл хэсгийг салган авч, хүхрийн хүчлээр үйлчлэн түүхий эд болгох шат, уг түүхий эдийг (хар өнгөтэй нунтаг) зэсийн баяжмалтай холих шат, уг хольсон түүхий эд ба зэсийн баяжмалын холимгийг хүхрийн хүчлийн уусмалаар боловсруулж, зэсийг уусмал уруу шилжүүлэх шаттай байна.
1. Цайр-нүүрстөрөгчийн ашигласан батарейн (1) хаягдлыг хэрэглэн зэсийн баяжмалыг боловсруулах аргын ялгаа нь:
- цайр-нүүрстөрөгчийн ашигласан батарейн электрод (4), электролит (5, 6)-ийн үлдэгдэл хэсгийг салгаж (алхам 10-11), 1 М концентрацитай хүхрийн хүчлээр үйлчлэн түүхий эд болгох (алхам 12-13),
- уг түүхий эдийг зэсийн баяжмалтай жингийн 1:4 харьцаагаар холих (алхам 14),
- уг хольсон түүхий эд ба зэсийн баяжмалын холимгийг 1 М концентрацитай хүхрийн хүчлийн уусмалаар боловсруулж (алхам 15, 16), зэсийн баян агуулгатай уусмал гаргах (алхам 17) алхамтай байна.
2. Аргын томьёоллын 1 дүгээрийн ялгаа нь зэсийн баяжмалын холимгийг 1 М концентрацитай хүхрийн хүчлийн орчинд уусгахдаа,
уг батарей цэнэгээ алдах үед явагдах гальваны урвалаар үүссэн манган (III)- ы оксидыг 1 М концентрацитай хүхрийн хүчлээр боловсруулахад үүссэн манган (IV)- ын оксид болон катод болгон хэрэглэсэн бал чулууг (4) ашиглана.
3. Аргын томьёоллын 2 дугаарын ялгаа нь ашигласан батарейн (1) хаягдлыг хэрэглэн тасалгааны даралт, дулаанд 100-531 цаг зэсийн баяжмалын уусалтыг явуулснаар баяжмал дахь зэсийн 80%-аас дээш хувийг агуулсан, зэсийн агуулга нэмэгдсэн уусмал гаргана (алхам 17).