ТОВЧ ТАЙЛБАР 

Тус шийдлийн зорилго нь хот суурин газар, зөөврийн нөхцөлд тохирох Нарны зайн үүсгүүр ашигласан зөөврийн халуун усны системийг зохиомжлон гаргахад оршино.

Тус шийдлийн нарны зайн үүсгүүр ашигласан зөөврийн халуун усны систем нь дулаан хуримтлуурын сав, нарны зай, дулаан хуримтлуурын саванд байгаа шингэнийг нарны зай ашиглан халаах халаагуур, гаднаас ирсэн усыг халсан шингэнтэй дулаан солилцоогоор халаах дулаан солилцуур, дулаан хуримтлуурын савын гадуур хөөсөнцөр болон цаасан хөвөн ашигласан дулаалгаас бүрэлдэнэ.

Дулаан хуримтлуурын савны дээр хэрэглээний ус нөөцлөх сав байрлуулж, дулаан солилцуурын дундуур урсган халааж хэрэглэнэ. Дулаан солилцуураас гарах халсан усыг хүйтэн устай холин тохирсон дулаантай ус гаргах холигч төхөөрөмжтэй байна.

ТОМЬЁОЛОЛ

1.    Халаагч шингэн бүхий дулаан хуримтлуурын сав, нарны эрчим хүчийг цахилгаанд хувиргах нарны зайн үүсгүүр, уг дулаан хуримтлуурын саванд байгаа халаагч шингэнийг нарны зай ашиглан халаах зориулалттай бөгөөд   дулаан хуримтлуурын савны дотор түүний доод хэсэгт байрлах халаагуур, нарны зайн үүсгүүр ба  халаагуурын хооронд залгасан цахилгаан холболтын аюулгүй ажиллагааг хангах зориулалттай таслуур,  дулаан хуримтлуурын саванд уг шингэн дотор байрлаж, гаднаас ирсэн усыг  шингэнтэй дулаан солилцоогоор халаах зориулалттай дулаан солилцуураас бүрэлдэх Нарны зайн үүсгүүр ашигласан зөөврийн халуун усны системийн ялгаа нь  систем нь

-      дулаан хуримтлуурын савын гадуур тойруулан дулаалж хийсэн хөөсөнцөр болон цаасан хөвөн ашиглан хийсэн дулаалга бүхий дулаан хуримтлуурын сав,

-      дулаан хуримтлуурын савын дээр байрлуулсан хэрэглээний ус хийх зориулалттай нөөц сав,

-      нөөц савны доод хэсэгт гаргасан 1 дүгээр гарах амаас ус урсан гарч  дулаан солилцуурт өгөгдөн түүний дундуур урсан халж, уг дулаан хуримтлуурын саваас гарах халсан усыг уг нөөц саваас гарах халаагүй устай холин дулааныг нь тохируулах зориулалттай бөгөөд  дулаан хуримтлуурын савын хажууд байрлах холигч төхөөрөмж,

-      дулаан хуримтлуурын сав дотор байрлаж уг халаагч шингэний дулааныг хэмжих мэдрүүр,

-      мэдрүүрээр хэмжсэн шингэний дулаан нь тохируулсан дээд утгад (Т1) хүрэхэд уг халаагуурыг  нарны зайн цахилгаанаас таслах, тохируулсан доод утгад (Т2) хүрэхэд уг халаагуурыг   нарны зайны  цахилгаанд залгах зориулалттай бөгөөд  дулаан хуримтлуурын сав дотор байрлах термостаттай байна.

2.    Нарны зайн үүсгүүр ашигласан зөөврийн халуун усны системийн томъёоллын 1 дүгээрийн ялгаа нь   цаасан хөвөн нь дахивар цаасан материалыг 3-5 мм  болгон жижиглэн хэрчсэн материал байна.

3.    Нарны зайн үүсгүүр ашигласан зөөврийн халуун усны системийн томъёоллын 1 дүгээрийн ялгаа нь   дулаан солилцуур нь  хоолойг тойрог хэлбэрээр ороож байрлуулах ороомог хэлбэрээр ороож байрлуулах, болон шаталсан хэлбэрээр байрлуулахын аль нэг хэлбэртэй байна.

4.    Нарны зайн үүсгүүр ашигласан зөөврийн халуун усны системийн томъёоллын 1 дүгээрийн ялгаа нь   тохируулсан дээд утга (Т1) нь 45-90⁰С,   тохируулсан доод утга (Т2) нь  45-85⁰С хэмийн хооронд  байна.

5.    Нарны зайн үүсгүүр ашигласан зөөврийн халуун усны системийн томъёоллын 1 дүгээрийн ялгаа нь   термостат  нь шингэний дулаан тохируулсан дээд утга (Т1) нь 85⁰С хэмд хүрэхэд  халаагуурыг  нарны зайн тэжээлээс салгах, тохируулсан доод  (Т2) 40⁰С хүрэхэд  халаагуурыг уг нарны зайны зайн тэжээлд залгах зориулалттай ашигласнаар нөөц савнаас хэрэглээний усыг дулаан солилцуурт өгч, урсгалын хурдыг тохируулснаар 40⁰С хэмийн  дулаантай ус гарган авна.