ТОВЧ ТАЙЛБАР:
Шинэ бүтээлээр дэвшүүлж буй түргэн оношлуурыг усан гахайг дархлаажуулан өвөрмөц иммуноглобулин ялган авч, алтны наноширхэгтэй холбон мембранд суулгах замаар бүтээх бөгөөд хонь болон ямааны цусны улаан эсийн гадаргуугийн гликопротейдуудыг өвөрмөцөөр таних замаар хонь, ямааны махны дээжийн гарал үүслийг ялгахад ашиглагдана.
Дэвшүүлж буй шийдийн зорилго нь Монголчуудын хүнсэндээ өргөн хэрэглэдэг хонь, ямааны махны дээжийг ялгахад зориулагдсан хэрэглэхэд энгийн, хугацааны хувьд хэмнэлттэй, дотоодод үйлдвэрлэх боломжтой түргэн оношлуурыг бүтээж, хэрэглээнд нэвтрүүлэхэд оршино.
ТОМЪЁОЛОЛ:
1. Хонь, ямааны мах болон цусны гарал үүслийг ялгах поликлонт эсрэг биет оношлуурын ялгаа нь цусны улаан эсийн гликопротейдуудыг сонгомлоор түргэн хугацаанд тодорхойлох зорилгоор нитроцеллюлоз мембраны 2 захад шингээгч хэсгийг нааж, ялган авсан иммуноглобулиныг суулгаад, илрүүлэгчээр ашиглах алтны наноширхэгийг иммуноглобулинтай холбон оношлуур дээр байрлуулна.
2. Оношлуурын томъёоллын 1 дүгээрийн ялгаа нь алтны наноширхэг нь оношлуур дээрх улаан зураасыг үүсгэнэ.