Товч тайлбар
Тус шийдэл нь уул уурхайн үйлдвэрт хэрэглэх том хэмжээтэй конусан бутлуурыг сэргээн засварлах зориулалттай Конусан бутлуурыг сэргээн засварлах төхөөрөмжийг гаргах зорилготой.
Тус шийдлийн Конусан бутлуурыг сэргээн засварлах төхөөрөмж нь суурь; суурь дээр бэхлэгдсэн цахилгаан хөдөлгүүр, тулгуур; цахилгаан хөдөлгүүрт бэхлэгдсэн арын дамар; тулгуурт бэхлэгдсэн чангалагч хэсэг ба дамар бэхлэгч гар; чангалагч хэсэгт бэхлэгдсэн тохируулагч дамар; дамар бэхлэгч гарт бэхлэгдсэн урд талын дамар; арын дамар, тохируулагч дамар, урд дамарт тохоож ороон, цахилгаан хөдөлгүүрийн хөдөлгөх хүчээр хөдлөх туузан зүлгүүр зэргээс бүрэлдэнэ.
Тус шийдлийн Конусан бутлуурыг сэргээн засварлах төхөөрөмжийг уул уурхайн боловсруулах үйлдвэрт хүдэр бутлахад ашиглах зориулалттай бутлуурын хөдөлгөөнт хуягийг суурилуулах зориулалттай конусан хэлбэр бүхий их бие зэргийг сэргээн засварлахад ашиглана.
ТОМЬЁОЛОЛ
1. Уул уурхайн боловсруулах үйлдвэрт хүдэр бутлахад ашиглах зориулалттай бутлуурыг сэргээн засварлахад ашиглах Конусан бутлуурыг сэргээн засварлах төхөөрөмжийн ялгаа нь төхөөрөмж нь сэргээн засварлах биетийг голын тэнхлэгээ тойрон эргэлдэж байхад боловсруулалт хийхийн тулд ажлын боловсруулалтын гадаргууд параллель хэвтээ чиглэл болон уг гадаргууд перпендикуляр чиглэлийн хоёр чиглэлд гүйлгэн тохируулах боломжтой төхөөрөмжийн суурь, уг төхөөрөмжийн суурь дээр бэхлэгдсэн бөгөөд арын дамар бүхий цахилгаан хөдөлгүүр, төхөөрөмжийн суурь дээр бэхлэгдсэн тулгуур, тулгуурт суурилагдсан тохируулагч дамар бүхий чангалагч хэсэг, тулгуурт бэхлэгдэж урт богино болгон тохируулах боломжтой дамар бэхлэгч гар, дамар бэхлэгч гарт бэхлэгдсэн урд талын дамар болон арын дамар, тохируулагч дамар, урд талын дамарт тохож ороон, цахилгаан хөдөлгүүрийн хөдөлгөх хүчээр хөдлөх туузан зүлгүүрээс бүрдэнэ.
2. Төхөөрөмжийн томьёоллын 1 дүгээрийн ялгаа нь төхөөрөмжийн суурь нь цахилгаан хөдөлгүүр болон тулгуурыг бэхлэх суурийн 1-р хавтан, суурийн 1-р хавтанг дээрээ хөдөлгөөнгүй бэхлэн ажлын боловсруулалтын гадаргууд перпендикуляр хэвтээ чиглэлд хөдлөх суурийн 2-р хавтан, суурийн 2-р хавтанг дээгүүрээ гүйлгэн өөрөө ажлын боловсруулалтын гадаргууд параллель чиглэлд хөдлөх суурийн 3-р хавтан болон суурийн 3-р хавтанг дээгүүрээ гүйлгэн хөдөлгөж, өөрөө суурь тавцанд хөдөлгөөнгүй бэхлэгдсэн суурийн 4-р хавтангаас бүрдэнэ.
2. Төхөөрөмжийн томьёоллын 1 эсвэл 2 дугаарын ялгаа нь конусан бутлуурыг сэргээн засварлах төхөөрөмжийг туузан зүлгүүрээр ажлын хэсгийн эвдэрсэн гадаргууг зүлгэн арилгах, боловсруулалт хийгдсэн ажлын хэсгийн гадаргууг гагнан шаваасыг зохих хэмжээнд хүртэл хийж сайжруулсны дараа гадаргууг техникийн зурагт заасан хэмжээнд тааруулан зүлгэж гадаргуугийн боловсруулалт хийхэд ашиглана.