Товч тайлбар
Тус шийдэл нь зөөврийн зориулалттай, сэргээгдэх эрчим хүч ашигласан, тоос шорооноос хамгаалах хэрэгсэлтэй Мобайл дата центр гаргах зорилготой.
Тус шийдлийн Мобайл дата центр нь сэргээгдэх эрчим хүчээр ажиллаж, ачааллыг хөргөх зориулалтай Хөргөх хавтан, Хөргөх хавтангийн хажууд суурилуулсан Шүүлтүүр, их бие доторх агаарыг гадагшлуулах Сэнстэй байна. Шүүлтүүр нь хуйлаастай шүүлтүүрийн материал болон, нэвтрэн өнгөрөх агаарыг шүүж байгаа шүүлтүүрийн материалын хэсэг нь бохирдохоор, хуйлаастай шүүлтүүрийн материалыг гүйлгэн, бохирдоогүй шинэ шүүлтүүрийн материалаар солих Эргүүлэх механизмаас бүрэлдэнэ.
1. Тэгш өнцөгт хайрцаг хэлбэртэй их бие (2), түүний дээд талд суурилуулсан нарны цахилгаан үүсгүүр (3), их биеийн (2) дотор байрлаж, нарны цахилгаан үүсгүүртэй (3) холбогдсон инвертер ба батарей, батарейтай холбогдон гаргасан цахилгааныг нь тогтворжуулан мэдээллийн технологийн төхөөрөмжүүдийг цахилгаанаар хангах удирдлагын хэсэг (32, 33), их бие (2) дотор байрлан, батарей болон мэдээллийн технологийн төхөөрөмжүүдийг суурилуулах зориулалттай тавиураас (30) бүрдсэн Зөөврийн дата төвийн ялгаа нь их биеийн (2) нэг талын хана дагуу суурилуулсан бөгөөд дундуур нь өнгөрөх агаартай дулаан солилцоо хийж, гаднаас орох хэт халуун агаарыг хөргөх эсвэл гаднаас орох хүйтэн агаарыг халаах замаар ачаалалд өгөх агаарын дулааныг тохируулах зориулалтай дулаан солилцооны хэрэгсэл (14), дулаан солилцооны хэрэгслийн (14) өмнө суурилуулсан шүүлтүүр (15), их биеийн (2) дулаан солилцооны хэрэгсэлд (14) суурилуулсан ханын эсрэг талын хананд гаргасан цонхонд (10) их бие (2) доторх агаарыг гаргах зориулалттай сэнстэй (11) байна.
2. Зөөврийн дата төвийн томьёоллын 1 дүгээрийн ялгаа нь шүүлтүүр (15) нь нэвтрэн өнгөрөх агаарыг шүүж цэвэршүүлэх зориулалттай бөгөөд голд (20, 21) ороон хэрэглэх шүүлтүүрийн материал (19) болон,
- хэрэглээгүй цэвэр байгаа шүүлтүүрийн материалыг (19) ороох 1-р гол (20),
- дулаан солилцооны хэрэгслийн (14) өмнө байрлуулан нэвтрэн өнгөрөх агаарыг шүүх үед бохирдсон хэсгийг хуйлан ороох зориулалттай 2-р гол (21),
- 1-р голд (20) хуйлан ороосон шүүлтүүрийн материалыг (19) гүйлгэн 2-р голд (21) хуйлж ороон, дулаан солилцооны хэрэгслийн (14) өмнө байрлуулах шүүлтүүрийн материалын (19) хэсгийг татан авч, 1-р голоос (20) бохирдоогүй шүүлтүүрийн материалаар (19) солих эргүүлэх механизмаас (24) бүрэлдэнэ.
3. Зөөврийн дата төвийн томьёоллын 2 дугаарын ялгаа нь шүүлтүүр (15) нь дулаан солилцооны хэрэгслийн (14) өмнө байрлуулах шүүлтүүрийн материалын (19) хэсгийг хамгаалах зориулалттай тортой (22) байна.
4. Зөөврийн дата төвийн томьёоллын 2 дугаарын ялгаа нь шүүлтүүр (15) нь тор (22) болон шүүлтүүрийн материалын (19) хооронд байрлан шүүлтүүрийн материалыг (19) гүйлгэх үеийн үрэлтийн хүчийг бууруулах зориулалттай эргэлдэгч голтой (23) байна.
5. Зөөврийн дата төвийн томьёоллын 2-4 дүгээрийн ялгаа нь шүүлтүүрийн материал (19) нь ноос байна.